Eya go dikagare

Eya go menyu wa bobedi

Dihlatse tša Jehofa

Sepedi

Na Diabolo o Gona e le ka Kgonthe?

Na Diabolo o Gona e le ka Kgonthe?

Karabo ya Beibele

Ee, Diabolo o gona e le ka kgonthe. Ke “mmuši wa lefase,” sebopiwa sa moya seo se ilego sa ba se kgopo gomme sa rabela go Modimo. (Johane 14:30; Baefeso 6:11, 12) Beibele e utolla semelo sa Diabolo ka maina le ditlhaloso tše di latelago:

Diabolo ga se go dira bobe

Ba bangwe ba bona eka Sathane Diabolo ke bobe bjo bo lego ka gare ga rena. Lega go le bjalo, ka Beibeleng go na le pego ya poledišano ya Modimo le Sathane. Modimo o phethagetše, ka gona go ka se direge gore o be a boledišana le bobe bjoo bo lego ka gare ga gagwe. (Doiteronomio 32:4; Jobo 2:1-6) Ka mo go swanago, Sathane o ile a leka Jesu yoo a se nago sebe. (Mateo 4:8-10; 1 Johane 3:5) Ka gona, Beibele e bontšha gore Diabolo ke motho wa kgonthe e sego feela mothofatšo wa bobe.

Na re swanetše go makatšwa ke gore batho ba bantši ga ba dumele gore Diabolo o gona e le ka kgothe? Le gatee, ka gobane Beibele e bolela gore Sathane o diriša bofora go phethagatša merero ya gagwe. (2 Bathesalonika 2:9, 10) Leano la gagwe le lengwe le legolo ke go foufatša batho ba bantši gore ba se dumele gore o gona.—2 Bakorinthe 4:4.

Dikgopolo tše dingwe tša maaka ka Diabolo

Maaka: Lucifer ke leina le lengwe la Diabolo.

Therešo: Lentšu la Seheberu leo ka Dibeibeleng tše dingwe le fetoletšwego e le “Lucifer” le bolela gore “yo a phadimago.” (Jesaya 14:12) Taba e dikologilego temana ye e bontšha gore lentšu le le bolela ka mmušo, goba lešika la dikgoši tša Babilona, woo Modimo a ilego a o kokobetša ka baka la boikgantšho bja wona. (Jesaya 14:4, 13-20) Polelwana “yo a phadimago” e be e dirišwa go kwera mmušo wa Babilona ka morago ga gore o we.

Maaka: Sathane o šomela Modimo go ahlola batho.

Therešo: Diabolo ke lenaba la Modimo, e sego mohlanka wa gagwe. Sathane Diabolo o ganetša le go latofatša ka maaka batho bao ba hlankelago Modimo.—1 Petro 5:8; Kutollo 12:10.

 

Ithute ka mo go Oketšegilego

Ke Eng Seo ge e le Gabotse Beibele e se Rutago?

Na se ke Seo Modimo a se Rerilego?

O ka ipotšiša lebaka leo go tletšego mathata a mantši lehono. Na o be o tseba gore Beibele e re go tlo tla diphetogo tša kgonthe tšeo o ka di thabelago?