Eya go dikagare

Eya go menyu wa bobedi

Dihlatse tša Jehofa

Sepedi

Na Batemona ba Gona e le ka Kgonthe?

Na Batemona ba Gona e le ka Kgonthe?

Karabo ya Beibele

Ee. Batemona ke “barongwa bao ba ilego ba dira sebe,” dibopiwa tša moya tšeo di ilego tša rabela go Modimo. (2 Petro 2:4) Morongwa wa mathomo yoo a ilego a iphetoša motemona ke Sathane Diabolo, yoo Beibele e mmitšago “mmuši wa batemona.”—Mateo 12:24, 26.

Borabele mehleng ya Noa

Beibele ge e bolela ka borabele bjo barongwa ba bo dirilego pele ga Meetsefula a mehleng ya Noa, e re: “Barwa ba Modimo wa therešo ba lemoga gore barwedi ba batho e be e le ba babotse; ba ya ba itšeela basadi gare ga bona, ba itšeela bohle bao ba ikgethelago bona.” (Genesi 6:2) Barongwa bao ba babe “ba tlogetše bodulo bja bona bjo bo swanetšego” kua legodimong gomme ba apara mebele ya nama e le gore ba robale le basadi.—Juda 6.

Ge Meetsefula a etla, barongwa bao ba marabele ba ile ba apola mebele ya bona ya nama gomme ba boela legodimong. Lega go le bjalo, Modimo o ile a ba raka lapeng la gagwe. E bile ba ile ba otlwa gape ka go se sa kgona go apara mebele ya batho.—Baefeso 6:11, 12.

 

Ithute ka mo go oketšegilego

Ke Eng Seo ge e le Gabotse Beibele e se Rutago?

Dibopiwa tša Moya—Kamoo di re Kgomago ka Gona

Beibele e bolela ka barongwa le batemona. Na dibopiwa tše tša moya di gona? Di ka go kgoma bjang?