Eya go dikagare

Eya go menyu wa bobedi

Dihlatse tša Jehofa

Sepedi

Na Modimo o na le mo a Dulago?

Na Modimo o na le mo a Dulago?

Karabo ya Beibele

Ee. Modimo o na le mo a dulago—magodimong. Ela hloko ditemana tše tša Beibele:

Kgoši Solomone o boletše thapelong ya gagwe gore: “Anke wena o theetše o le magodimong, o le lefelong la gago le le tsepamego la bodulo.”—1 Dikgoši 8:43.

Jesu Kriste o rutile barutiwa ba gagwe go rapela ‘Tatago bona wa magodimong.’—Mateo 6:9.

Ka morago ga gore Jesu a tsošwe bahung, o ile a tsena “legodimong gore bjale a bonagale pele ga Modimo legatong la rena.”—Baheberu 9:24.

Ditemana tšeo di bontšha gabotse gore Jehofa Modimo ke motho wa kgonthe le gore o dula legodimong feela, e sego gohle.

Ithute ka mo go oketšegilego

MOROKAMI

Na Modimo o Dula Lefelong Letee?

Na Modimo o dula mo gohle ka nako e tee? Ithute seo Beibele e se bolelago.