Eya go dikagare

Eya go menyu wa bobedi

Dihlatse tša Jehofa

Sepedi

Molwa le Kriste ke Mang?

Molwa le Kriste ke Mang?

Karabo ya Beibele

Molwa le Kriste ga e fo ba motho o tee goba mokgatlo o itšego, ka ge Beibele e re go na le “balwa-le-Kriste ba bantši.” (1 Johane 2:18) Ka gona polelwana “Molwa le Kriste,” yeo e tšwago lentšung la Segerika leo le bolelago “go ba kgahlanong le Kriste” e bolela ka motho yo mongwe le yo mongwe yoo a dirago dilo tše:

Ntle le go bolela feela ka batho bao ba dirago dilo tše e le balwa le Kriste, Beibele e ba bitša gape e le sehlopha gore ke “molwa le Kriste.” (2 Johane 7) Molwa le Kriste o ile a tšwelela la mathomo mehleng ya baapostola go ba go fihla ga bjale. Boporofeta bja Beibele bo boletše ka go tšwelela ga molwa le Kriste.—1 Johane 4:3.

Kamoo re ka tsebago balwa le Kriste

  • Ba bolela dikgopolo tša maaka ka Jesu. (Mateo 24:9, 11) Ka mohlala, bao ba rutago thuto ya Borarobotee goba bao ba rutago gore Jesu ke Modimo Ramatla ohle, ge e le gabotse ga ba dumelelane le seo Jesu a se rutilego ge a re: “Tate o mpheta ka bogolo.”—Johane 14:28.

  • Balwa le Kriste ba gana seo Jesu a se boletšego mabapi le kamoo Mmušo wa Modimo o šomago ka gona. Ka mohlala, baetapele ba bangwe ba bodumedi ba bolela gore Kriste o diriša mebušo ya batho. Lega go le bjalo, se se thulana le seo Jesu a se boletšego ge a re: “Mmušo wa ka ga se karolo ya lefase le.”—Johane 18:36

  • Ba bolela gore Jesu ke Morena wa bona, eupša ga ba latele ditaelo tša gagwe tšeo di akaretšago go bolela ditaba tše dibotse tša Mmušo.—Mateo 28:19, 20; Luka 6:46; Ditiro 10:42.

Ithute ka mo go Oketšegilego

DIPOTŠIŠO TŠA BEIBELE DI A ARABJA

Palo 666 e Bolela Eng?

Beibele e utolla seo se bolelwago ke palo 666 le leswao la sebata.

MOROKAMI

Maaka ao a Dirilego Gore Modimo a se Tsebje

Boraro Botee ke lepheko la go šitiša motho gore a tsebe Modimo le go mo rata e le ka kgonthe. Na ruri o ka rata motho yoo go sa kgonegego gore o mo tsebe goba o mo kwešiše?