Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Khutšo ya Lefase—Go Re’ng e le Toro Feela?

Khutšo ya Lefase—Go Re’ng e le Toro Feela?

Karabo ya Beibele

Maiteko a batho a go tliša khutšo ya lefase a paletšwe e bile a tla tšwela pele a palelwa ka baka la mabaka a latelago a mmalwa:

  • Ga go matleng a motho yo a sepelago gore a laole dikgato tša gagwe.” (Jeremia 10:23) Batho ga se ba bopša ba na le bokgoni goba tshwanelo ya go ipuša, ka gona ba ka se kgone go tliša khutšo ya sa ruri lefaseng.
  • Le se ke la bota baetapele ba batho; ga go na motho yo a ka le phološago. Ge ba ehwa, ba boela leroleng; letšatšing leo maano a bona ka moka a a fela.” (Psalme 146:3, 4, Good News Translation) Baetapele ba mebušo, gaešita le bao ba nago le maikemišetšo a mabotse, ba ka se tsoge ba rarollotše modu wa mathata ao a bakago dintwa.
  • Mehleng ya bofelo go tla ba le dinako tše di hlobaetšago tšeo go lego thata go lebeletšana le tšona. Gobane batho e tla ba . . . ba bogale, ba go se rate go loka, baeki, ba hlogothata, ba tletšego boikgantšho.” (2 Timotheo 3:1-4) Re phela “mehleng ya bofelo” ya lefase le le kgopo, e lego nako yeo ka yona mekgwa e mebe yeo e atilego e dirago gore go se be le khutšo mo lefaseng.
  • Go madimabe lefase le lewatle, gobane Diabolo o theogetše go lena a galefile kudu, ka ge a tseba gore o na le nako e kopana.” (Kutollo 12:12) Diabolo, e lego lenaba la Modimo, o lahletšwe lefaseng gomme o tutueletša batho gore ba be le mekgwa ya gagwe e mebe. Ge feela e sa dutše e le “mmuši wa lefase le,” re ka se tsoge re bone khutšo mo lefaseng.—Johane 12:31.
  • [Mmušo wa Modimo] o tla pšhatlaganya mebušo ye ka moka [e ganetšago Modimo] wa e fediša gomme wona o tla ema go iša mehleng ya neng le neng.” (Daniele 2:44) Mmušo wa Modimo, e sego mmušo le ge e le ofe wa batho, o tla re tlišetša khutšo ya sa ruri lefaseng.—Psalme 145:16.