Eya go dikagare

Eya go menyu wa bobedi

Dihlatse tša Jehofa

Sepedi

Ke ka Baka La’ng ke Rapela? Na Modimo o tla Nkaraba?

Ke ka Baka La’ng ke Rapela? Na Modimo o tla Nkaraba?

Karabo ya Beibele

Ee, o tla di araba. Beibele le diphihlelo tša batho di bontšha gore Modimo o araba dithapelo. Beibele e re: “[Modimo] o tla kgotsofatša kganyogo ya bao ba mmoifago, o tla ba kwa ge ba mo llela gore a ba thuše, gomme o tla ba phološa.” (Psalme 145:19) Eupša go ithekgile ka wena gore Modimo a go arabe.

Seo Modimo a nago le taba le sona

  • Re swanetše go rapela Modimo e sego Jesu, Maria, bakgethwa, barongwa goba diswantšho. Jehofa Modimo ke yena feela “Mokwi wa thapelo.”—Psalme 65:2.

  • Re swanetše go rapela ka go dumelelana le thato ya Modimo yeo e lego ka Beibeleng.—1 Johane 5:14.

  • Re swanetše go rapela ka leina la Jesu, re lemoga maemo a gagwe a phagamego. Jesu o itše: “Ga go yo a tlago go Tate ge e se ka nna.”—Johane 14:6.

  • Re swanetše go rapela re na le tumelo gomme ge e ba go nyakega re kgopele tumelo e oketšegilego.—Mateo 21:22; Luka 17:5.

  • Re ikokobetše e bile re rapele ka go tšwa pelong. Beibele e re: “Jehofa o phagame, fela o bona yo a ikokobeditšego.”—Psalme 138:6.

  • Re phegelele. Jesu o itše: “Tšwelang pele le kgopela gomme le tla newa.”—Luka 11:9.

Seo Modimo a se nago taba le sona

  • Gore o wa morafo ofe. “Modimo ga a bebe sefahlego, eupša setšhabeng se sengwe le se sengwe motho yo a mmoifago gomme a dira se se lokilego o a amogelega go yena.”—Ditiro 10:34, 35.

  • Gore o eme bjang. O ka rapela Modimo o dutše, o iname, o khuname goba o eme.—1 Dikoronika 17:16; Nehemia 8:6; Daniele 6:10; Mareka 11:25.

  • Gore o rapelela godimo goba o rapela ka setu. Modimo o araba le dithapelo tše di rapelelwago ka pelong tšeo ba bangwe ba sa di kwego.—Nehemia 2:1-6.

  • Gore mathata a gago ke a manyenyane goba ke a magolo. Modimo o go kgothaletša gore o ‘lahlele dipelaelo tša gago ka moka go yena, gobane o a go hlokomela.’—1 Petro 5:7.

 

Ithute ka mo go oketšegilego

DITABA TŠE DIBOTSE TŠE DI TŠWAGO GO MODIMO!

Modimo ke Mang?

Na Modimo o na le leina le gona na o na le taba le rena?

Ke Eng Seo ge e le Gabotse Beibele e se Rutago?

Therešo ke Efe ka Modimo?

Na o nagana gore Modimo o tshwenyegile ka wena? Ithute ka semelo sa gagwe le kamoo o ka batamelago kgaufsi le yena.