Eya go dikagare

Eya go menyu wa bobedi

Dihlatse tša Jehofa

Sepedi

Ke Bomang Bao ba Yago Diheleng?

Ke Bomang Bao ba Yago Diheleng?

Karabo ya Beibele

Hele (yeo e lego “Sheol” le “Hades” ka malemeng a mathomo a Beibele) e fo ba lebitla, e sego lefelo leo batho ba tlaišwago go lona ka mollo. Ke bomang bao ba yago diheleng? Ke batho bao ba lokilego le ba babe. (Jobo 14:13; Psalme 9:17) Beibele e re lebitla le leo le tlwaelegilego ke ‘ntlo yeo go kopanago yo mongwe le yo mongwe wa ba phelago.’—Jobo 30:23.

Le Jesu o ile a ya diheleng ge a ehwa. Eupša, “ga se a ka a tlogelwa a le diheleng,” ka ge Modimo a ile a mo tsoša.—Ditiro 2:31, 32, The Bible in Basic English.

Na hele ke ya sa ruri?

Ka moka bao ba yago diheleng ba tla boa, ba tsošwa ke Jesu ka matla a Modimo. (Johane 5:28, 29; Ditiro 24:15) Ge boporofeta bjo bo lego go Kutollo 20:13 bo bolela ka tsogo yeo ya nakong e tlago, bo re “lehu le dihele tša ntšha bahu ba lego go tšona.” (King James Version) Ge hele e se na selo, e ka se hlwe e sa ba gona; ga go na motho yo a tla yago moo ka ge “lehu le ka se hlwe le sa ba gona.”—Kutollo 21:3, 4; 20:14.

Eupša ga se batho ka moka bao ba hwago bao ba yago diheleng. Beibele e bontšha gore batho ba bangwe ke ba babe moo e lego gore ba ka se fetoge. (Baheberu 10:26, 27) Ge batho ba bjalo ba ehwa, ga ba ye diheleng eupša ba ya Gehenna, e lego go fedišwa ka mo go sa felego. (Mateo 5:29, 30) Ka mohlala, Jesu o bontšhitše gore baetapele ba bangwe ba bodumedi ba baikaketši ba mehleng ya gagwe ba be ba tla ya Gehenna.—Mateo 23:27-33.

 

Ithute ka mo go Oketšegilego

MOROKAMI

Go tla Direga Eng ge ke Ehwa?

Ba bantši ba boifa seo se tlago ka morago ga lehu. Tseba seo Beibele e se rutago.