Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ke ka Baka la Eng Jesu a Bitšwa Morwa wa Modimo?

Ke ka Baka la Eng Jesu a Bitšwa Morwa wa Modimo?

Karabo ya Beibele

Modimo ga a na mosadi wa kgonthe yoo a bilego le bana le yena. Eupša ke yena Mmopi wa dilo ka moka tše di phelago. (Kutollo 4:11) Ka baka leo, motho wa pele yoo Modimo a mmopilego, e lego Adama, o bitšwa “morwa wa Modimo.” (Luka 3:38) Ka mo go swanago, Beibele e ruta gore Jesu o bopilwe ke Modimo. Ka gona Jesu le yena o bitšwa “Morwa wa Modimo.”—Johane 1:49.

Modimo o bopile Jesu pele ga ge a ka bopa Adama. Moapostola Paulo o ngwadile ka Jesu gore: “Ke seswantšho sa Modimo yo a sa bonagalego, leitšibulo la tlholo yohle.” (Bakolose 1:15) Jesu o bile gona kgalekgale pele ga ge a ka belegelwa ka setaleng kua Betlelehema. Ge e le gabotse, Beibele e re ke wa “mehla ya pele, matšatšing a bogologolo.” (Mika 5:2) Ka ge Jesu e le Morwa wa Modimo wa leitšibulo, e be e le sebopiwa sa moya legodimong pele ga ge a ka belegwa e le motho mo lefaseng. Jesu ka boyena o itše: “Ke theogile legodimong.”—Johane 6:38; 8:23.

Ithute ka mo go oketšegilego

Jesu—Moo a Tšwago Gona

Ithute mabapi le moo Jesu a belegetšwego gona, moo a godišeditšwego gona, gotee le moo ge e le gabotse a tšwago gona.

Ke ka Baka la Eng Modimo a Ile a Romela Jesu Lefaseng?

Ithute mabapi le lebaka leo ka lona Jesu a ilego a tla lefaseng le kamoo re holegago ka gona le lehono.