Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Go Tswalwa Gape ke Eng?

Go Tswalwa Gape ke Eng?

Karabo ya Beibele

Polelwana e rego “go tswalwa gape” e ra gore motho o thoma segwera se sefsa le Modimo. (Johane 3:3, 7) Modimo o lebelela bao ba tswetšwego gape e le bana ba gagwe. (Baroma 8:15, 16; Bagalatia 4:5; 1 Johane 3:1) Go no swana le bana bao motho a ba tšerego gore e be ba gagwe semolao, le bao ba tswetšwego gape maemo a bona a a fetoga, gomme ya ba karolo ya lapa la Modimo.2 Bakorinthe 6:18.

Ke ka baka la’ng motho a tswalwa gape?

Jesu o rile: “Ka ntle le gore motho a tswalwe gape, a ka se ke a bona mmušo wa Modimo.” (Johane 3:3) Ka baka leo, ge motho a tswalwa gape seo se mo lokišeletša gore a tle a buše le Kriste Mmušong wa Modimo. Mmušo wo o buša legodimong, ka gona Beibele e hlalosa ‘go tswalwa lefsa’ e le go hwetša bohwa bjo bo ‘bolokilwego magodimong.’ (1 Petro 1:3, 4) Bao ba tswetšwego gape ba newa kgonthišetšo ya gore ba ‘tla buša gotee e le dikgoši’ le Kriste.2 Timotheo 2:12; 2 Bakorinthe 1:21, 22.

Motho o tswalwa gape bjang?

Ge Jesu a be a bolela ka taba ya go tswalwa gape, o ile a bolela gore bao ba tswalwago gape ba swanetše go “[tswalwa] ka meetse le ka moya.” (Johane 3:5) Seo se be se e ra gore motho o swanetše go kolobetšwa ka meetse gomme ka morago a kolobetšwe ka moya o mokgethwa.Ditiro 1:5; 2:1-4.

Motho wa mathomo yo a ilego a tswalwa gape ke Jesu. O ile a kolobetšwa Nokeng ya Jorodane, ke moka ka morago Modimo a mo tlotša (goba, a mo kolobetša) ka moya o mokgethwa. Ka go re’alo Jesu o ile a tswalwa gape e le morwa wa Modimo wa moya, a na le kholofelo ya go phela gape legodimong. (Mareka 1:9-11) Modimo o ile a phethagatša kholofelo yeo ka go tsoša Jesu e le sebopiwa sa moya.Ditiro 13:33.

Batho ba bangwe bao ba tswetšwego gape, le bona ba kolobetšwa ka meetse pele ba ka amogela moya o mokgethwa. * (Ditiro 2:38, 41) Ka morago ga moo ba ba le kholofelo e kgonthišeditšwe ya go ya go phela legodimong, yeo Modimo a e phethagatšago ge a ba tsošetša legodimong.1 Bakorinthe 15:42-49.

Maaka ao a lego gona ka taba ya go tswalwa gape

Maaka: Motho o swanetše go tswalwa gape gore a tle a phološwe goba a be Mokriste.

Nnete: Sehlabelo sa Kriste se nea batho ka moka sebaka sa go phološwa, e sego feela bao ba tswetšwego gape bao ba tlago go buša le Kriste legodimong eupša go tla phološwa le bao ba tlago go phela mo lefaseng ba bušwa ke Mmušo wa Modimo. (1 Johane 2:1, 2; Kutollo 5:9, 10) Sehlopha seo sa bobedi sa Bakriste se na le sebaka sa go tlo phela ka mo go sa felego lefaseng le lefsa la Paradeise.Psalme 37:29; Mateo 6:9, 10; Kutollo 21:1-5.

Maaka: Motho a ka kgetha go tswalwa gape.

Nnete: Motho yo mongwe le yo mongwe a ka ba mogwera wa Modimo gomme a phološwa. (1 Timotheo 2:3, 4; Jakobo 4:8) Lega go le bjalo, ke Modimo yo a kgethago gore ke mang yo a tlago go tswalwa gape goba a tlotšwa ka moya o mokgethwa. Go ya ka Beibele, go tswalwa gape ‘go ithekgile ka Modimo, e sego ka yo a dumago goba ka yo a katanago.’ (Baroma 9:16) Polelwana e rego “go tswalwa gape” e ka fetolelwa e le “go tswalwa legodimong,” e lego seo se kgonthišetšago gore bao ba kgethwago gore ba tswalwe gape ba kgethwa go tšwa “legodimong,” goba ba kgethwa ke Modimo.Johane 3:3.

^ par. 9 Ke feela tabeng ya Koronelio le bao a bego a na le bona moo dilo di ilego tša dirwa ka tsela e fapanego.Ditiro 10:44-48.

Ithute ka mo go oketšegilego

Kolobetšo le Tswalano ya Gago le Modimo

Ke megato efe yeo e nyakegago gore o swanelegele kolobetšo ya Bokriste? Ithute seo e se bolelago le kamoo e swanetšego go dirwa ka gona.

Topollo—Mpho e Kgolo Kudu ya Modimo

Topollo ke eng? E bolela’ng go wena?

Mmušo wa Modimo ke Eng?

Batho ba bantši ba tseba Thapelo ya Morena. Ke eng seo se bolelwago ke polelwana: “Mmušo wa gago a o tle”