Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na go na le Seo Beibele e se Bolelago ka go Ntšha Mpa?

Na go na le Seo Beibele e se Bolelago ka go Ntšha Mpa?

Karabo ya Beibele

Modimo o tšea bophelo e le bjo bokgethwa e bile o lebelela gaešita le ngwana yo a sa thomago go bopega e le motho yo a phelago. Kgoši Dafida o ile a budulelwa go ngwala mabapi le Modimo gore: “Mahlo a gago a mpone ke sa thoma go bopega.” (Psalme 139:16) Modimo o boletše gore motho o tla bonwa molato ge a ka gobatša ngwana yo a sego a hlwa a belegwa. Ka gona, go yena go bolaya ngwana yo a sego a hlwa a belegwa go swana le go bolaya motho.—Ekisodo 20:13; 21:22, 23.

Lega go le bjalo, go thwe’ng ge e ba boemo bja tšhoganetšo nakong ya go belegwa ga ngwana bo gapeletša banyalani go kgetha magareng ga go dumelela mma gore a phele gomme ngwana a hwe goba gore go phele ngwana gomme mma a hwe? Boemong bjoo, banyalani ba tla swanelwa ke go dira phetho ya gore go phološwe bophelo bja mang.