Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ke ka Baka la Eng go na le Dikereke tše Dintši tša Bokriste?

Ke ka Baka la Eng go na le Dikereke tše Dintši tša Bokriste?

Karabo ya Beibele

Batho ba be ba dutše ba diriša dithuto tša Jesu Kriste go thoma Dikereke tše di fapafapanego tšeo di ipitšago tša Bokriste. Eupša Beibele e bontšha gore go na le Bokriste bjo tee feela bja therešo. Ela hloko mabaka a mararo ao a thekgago taba ye.

  1. Jesu o itše seo a se rutago ke “therešo,” gomme Bakriste ba pele ba be ba re bodumedi bja bona ke “therešo.” (Johane 8:32; 2 Petro 2:2; 2 Johane 4; 3 Johane 3) Lentšu therešo le bontšha gore bao ba thekgago dithuto tšeo di thulanago le tša Jesu ga se Bakriste ba therešo.

  2. Beibele e ruta gore Bakriste ‘ka moka ba bolele ka go dumelelana.’ (1 Bakorinthe 1:10) Lega go le bjalo, Dikereke tše dintši ga di dumelelane gaešita le ka thuto e bonolo ya gore Mokriste ke eng. Ga go kgonege gore Dikereke tše ka moka di bolele therešo.—1 Petro 2:21.

  3. Jesu o porofetile gore batho ba bantši ba tla ipitša Bakriste eupša ba sa latele ditaelo tša gagwe, le gona bja bjalo o tla ba latola. (Mateo 7:21-23; Luka 6:46) Ba bangwe ba tla forwa ke baetapele ba bodumedi bao ba šilafatšago bodumedi bja therešo go kgotsofatša dikganyogo tša bona. (Mateo 7:15) Lega go le bjalo, batho ba bangwe ba tla rata bodumedi bjoo bo itirago eka ke bja Bokriste ka ge bo ba botša seo ba nyakago go se kwa, e sego therešo yeo e tšwago ka Beibeleng.—2 Timotheo 4:3, 4.

Seswantšhong sa gagwe sa korong le mefoka, Jesu o porofetile gore go tla ba le marabele (bahlanogi) kgahlanong le Bokriste bja therešo. (Mateo 13:24-30, 36-43) Ka nako e telele, go be go tla ba thata go tseba phapano magareng ga Bakriste ba therešo le ba maaka. Go etša ge Jesu a boletše, bohlanogi bo ile bja ata ka morago ga go hwa ga baapostola. (Ditiro 20:29, 30) Ka ge dithuto tša bahlanogi di fapafapana, Dikereke tše dintši tšeo di itirago tša Bokriste le tšona di ‘fapogile therešong.’—2 Timotheo 2:18.

Le gona Jesu o boletše e sa le pele gore mafelelong go tla ba bonolo go bona phapano magareng ga Bokriste bja therešo le bja maaka. Se se direga mehleng ya rena, e lego “bofelo bja tshepedišo ya dilo.”—Mateo 13:30, 39.

Ithute ka mo go oketšegilego

Na Bakriste ba Swanetše go Diriša Direto tša Bodumedi?

Direto “mohlomphegi” le “mopishopo” di tlwaelegile. Na direto tše bjalo le tše dingwe di dumelelwa ke Beibele?