Eya go dikagare

Eya go menyu wa bobedi

Dihlatse tša Jehofa

Sepedi

Na go na le “Dibe tše Šupago tše di Bakago Lehu”?

Na go na le “Dibe tše Šupago tše di Bakago Lehu”?

Karabo ya Beibele

Beibele ga e bolele ka go lebanya ka “dibe tše šupago tše di bakago lehu.” Lega go le bjalo, e ruta gore ge motho a tlwaela go dira dibe tše dikgolo, a ka se phologe. Ka mohlala, Beibele e bolela ka dibe tše dikgolo tše bjalo ka boitshwaro bjo bo gobogilego bja thobalano, go rapela medimo ya diswantšho, go dirišana le meoya e mebe, go tlalelana ka bogale le botagwa e le “mediro ya nama.” E bolela gape gore: “Bao ba tlwaelago go dira dilo tše bjalo ba ka se je bohwa bja Mmušo wa Modimo.”​—Bagalatia 5:19-21. *

Na Beibele ga e bolele ka ‘dilo tše šupago tšeo di hlaswago ke Morena’?

Ee, e bolela ka tšona. Go ya ka Beibele ya Sepedi, Diema 6:16 e re: “Xo na le dilô tše thsêlêla tše Morêna a di hloilexo; ké tše di šupaxo tše a di hlaswaxo.” Lega go le bjalo, lelokelelo la dibe tšeo di lego go Diema 6:17-19 ga se la felela. Go e na le moo, e hlalosa dilo tša motheo tšeo di emelago mehuta ka moka ya ditiro tše mpe, go akaretša dilo tšeo re di naganago, tšeo re di bolelago le tšeo re di dirago. *

Polelwana e rego “sebe se segolo” e ra gore’ng?

Diphetolelo tše dingwe di šomiša polelwana ye go 1 Johane 5:16. Ka mohlala, Beibele ya Sepedi e balega ka gore: “Xo na le sebe se se išaxo lehung.” Polelwana e rego “sebe se se išaxo lehung” e ka fetolelwa gape e le “sebe se se bakago lehu.” Phapano ke efe magareng ga “sebe se se bakago lehu” le “sebe se se sa bakego lehu.”​—1 Johane 5:16.

Beibele e bolela ka go lebanya gore dibe ka moka di lebiša lehung. Lega go le bjalo, re ka phološwa sebeng le lehung ka sehlabelo sa topollo sa Jesu Kriste. (Baroma 5:12; 6:23) Ka gona, “sebe se se bakago lehu” ga se akaretšwe go tšeo di ka lebalelwago ka topollo ya Kriste. Motho yo a dirago sebe sa mohuta woo, o ba a ikemišeditše go se nyake go fetoša pono goba mekgwa ya gagwe. Le gona Beibele e re sebe se bjalo se “ka se lebalelwe.”​—Mateo 12:31; Luka 12:10.

^ par. 3 Lelokelelo la mehlala e 15 ya dibe tše dikgolo tšeo go bolelwago ka tšona go Bagalatia 5:19-21 ga se la felela, ka gobane ge Beibele e fetša go bolela ka tšona, e oketša ka mantšu a rego “le dilo tša go swana le tše.” Ka gona, mmadi o kgothaletšwa go inaganela dilo tšeo di ka bago di sa ngwalwa moo eupša e le “tša go swana le tše.”

^ par. 5 Diema 6:16 ke mohlala wa seka sa Seheberu seo se gatelelago palo ya bobedi ka go e fapanya le ya mathomo. Mokgwa wo wa go bolela o tšwelela gantši ka Beibeleng.​—Jobo 5:19; Diema 30:15, 18, 21.

Ithute ka mo go Oketšegilego

DIPOTŠIŠO TŠA BEIBELE DI A ARABJA

Na Modimo o tla Nthuša ge ke Rapela?

Na ruri Modimo o tshwenyegile ka mathata a rena?

MOROKAMI

Na re ka Kgahla Modimo e le ka Kgonthe?

Karabo e ka hwetšwa bophelong bja Jobo, bja Lota le bja Dafida, bao ka moka ba ilego ba dira diphošo tše dikgolo.

JESU—TSELA, THEREŠO LE BOPHELO

“O Lebaletšwe Dibe tša Gago”

Jesu o bontšha gore go na le tswalano efe magareng ga sebe le bolwetši?