Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Diabolo o Dula Kae?

Diabolo o Dula Kae?

Karabo ya Beibele

Ka ge e le sebopiwa sa moya, Diabolo o dula lefelong leo le sa bonagalego. Lega go le bjalo, le ga se lefelo la mollo wa dihele leo a tlaišago batho ba babe go lona, bjalo ka ge seswantšho seo se lego sehlogong se se bontšha.

‘Ntwa legodimong’

Ka nako e telele, Sathane Diabolo o be a kgona go tsena le go tšwa lefelong la moya, go akaretša le go ema pele ga Modimo le barongwa ba bangwe bao ba botegago. (Jobo 1:6) Eupša Beibele e boletše e sa le pele gore go be go tla tsoga ‘ntwa legodimong’ yeo e bego e tla feleletša ka gore Sathane a rakwe legodimong gomme a ‘lahlelwe lefaseng.’ (Kutollo 12:7-9) Tatelano ya ditiragalo tša Beibele le ditiragalo tša lefase, di hlatsela gore ntwa ye e šetše e bile gona legodimong. Ga bjale Diabolo o lahletšwe lefaseng.

Na se se ra gore Diabolo o dula lefelong le itšego mo lefaseng? Ka mohlala, go be go thwe motse wa bogologolo wa Peregamo ke “mo go lego sedulo sa bogoši sa Sathane” le “moo Sathane a dulago gona.” (Kutollo 2:13) Ge e le gabotse, go ka direga gore mantšu a a be a šupa go borapedi bjo bo tseneletšego bja Sathane motseng woo. Beibele e re Diabolo o buša godimo ga “mebušo ka moka ya lefase,” ka gona ga a dule lefelong le ge e le lefe ka go lebanya mo lefaseng eupša o lahletšwe lefaseng.—Luka 4:5, 6.