Eya go dikagare

Eya go menyu wa bobedi

Dihlatse tša Jehofa

Sepedi

Na go a Hlokagala Gore Motho e be Setho sa Bodumedi bjo Itšego?

Na go a Hlokagala Gore Motho e be Setho sa Bodumedi bjo Itšego?

Karabo ya Beibele

Ee, ka baka la gore Modimo o nyaka gore batho ba mo rapele ba bokane. Beibele e re: “A re hlokomelaneng gore re hlohleletšaneng leratong le medirong e mebotse, re sa tlogele go bokana ga rena gotee.”—Baheberu 10:24, 25.

Jesu o ile a bolela gore balatedi ba gagwe e be e tla ba ditho tša sehlopha se se rulagantšwego ge a be a re: “Bohle ba tla tseba ka se gore le barutiwa ba ka, ge e ba le ratana.” (Johane 13:35). Bakriste ba swanetše go bokana le badumedi gotee le bona ka ge e le tsela e di phalago tšohle ya go bontšha lerato. Ba be ba tla rulaganywa go ya ka diphuthego gore ba bokane ka mehla bakeng sa borapedi. (1 Bakorinthe 16:19) E le sehlopha, ba be ba tla bopa karolo ya borwarre bja lefase ka bophara.—1 Petro 2:17

Go fo ba setho sa bodumedi bjo itšego ga go a lekana

Ge Beibele e re batho ba swanetše go bokana bakeng sa go rapela Modimo, ga e rute gore motho a ka fo thabiša Modimo ka go ba setho sa bodumedi bjo itšego. Go re re amogelwe ke Modimo, bodumedi bja motho bo swanetše go kgoma tsela yeo a phelago ka yona letšatši le letšatši. Ka mohlala, Beibele e re: “Mohuta wa borapedi bjo bo hlwekilego le bjo bo sa šilafalago ponong ya Modimo wa rena le Tate ke wo: Ke go babalela ditšhiwana le bahlologadi ditlaišegong tša bona le go itota ga motho a se na sepatso go tšwa lefaseng.”—Jakobo 1:27.