Eya go dikagare

Eya go menyu wa bobedi

Dihlatse tša Jehofa

Sepedi

Beibele e Re’ng ka go Tšhelwa Madi?

Beibele e Re’ng ka go Tšhelwa Madi?

Karabo ya Beibele

Beibele e re laela gore re se je madi. Ka gona ga se ra swanela go amogela madi goba dikarolwana tša wona tše dikgolo tša mohuta le ge e le ofe, e ka ba dijong goba ka tšhelo ya madi. Ela hloko mangwalo a latelago:

  • Genesi 9:4. Ka morago ga Meetsefula Modimo o ile a dumelela Noa le lapa la gagwe gore ba ka ja nama ya phoofolo eupša a ba laela gore ba se je madi a yona. Modimo o boditše Noa gore: “Feela le se ke la ja nama yeo e nago le moya wa yona, e lego madi a yona.” Taelo ye e šoma go batho ka moka go tloga ka nako yeo ka gobane ka moka ga rena re ditlogolo tša Noa.

  • Lefitiko 17:14. Le se ke la ja madi a sephedi sa mohuta le ge e le ofe ka gobane bophelo bja sephedi sa mohuta o mongwe le o mongwe bo mading a sona. Mang le mang yo a a jago a bolawe.” Modimo o be a lebelela moya goba bophelo bo le mading e bile e le bja gagwe. Le ge molao wo o be o neilwe setšhaba sa Isiraele feela, o re bontšha kamoo Modimo a bego a tšeela godimo molao wa go se je madi.

  • Ditiro 15:20. Le ile madi.’ Modimo o neile Bakriste molao o swanago le woo a o neilego Noa. Histori e bontšha gore Bakriste ba lekgolong la pele la nywaga ba ile ba gana go ja madi goba gaešita le go a diriša ditabeng tša kalafo.

Ke ka baka la’ng Modimo a re laela gore re ile madi?

Go na le mabaka a kwagalago a tša kalafo ao a dirago gore re pheme go tšhelwa madi. Lega go le bjalo, se bohlokwa le go feta seo se dirago gore Modimo a re laele gore re ile madi ke ka gobane a emela selo se sekgethwa go yena.—Lefitiko 17:11; Bakolose 1:20.