Eya go dikagare

Eya go menyu wa bobedi

Dihlatse tša Jehofa

Sepedi

APRIL 6, 2017
RUSSIA

Kgorokgolo ya Tsheko ya Russia e tla Tšwetša Pele Molato wa go Thibelwa ga Modiro wa Dihlatse tša Jehofa ka di-7 tša April

Kgorokgolo ya Tsheko ya Russia e tla Tšwetša Pele Molato wa go Thibelwa ga Modiro wa Dihlatse tša Jehofa ka di-7 tša April

Lehono kua Kgorongkgolo ya Tsheko ya Russia, ba Lefapha la Toka ba boletše gore go bohlokwa gore go fedišwe mekgatlo ka moka ya bodumedi ya Dihlatse tša Jehofa yeo e ngwadišitšwego semmušo, ka gobane dikgoro tša tsheko tše dinyenyane di be di šetše di phethile ka gore e mengwe ya mekgatlo ye e dira mediro e kotsi kudu. Ka morago ga moo, moahlodi o ile a botšiša moemedi wa Lefapha la Toka gore mediro ya mekgatlo e 8 yeo go thwego ga e botege e kgoma kae taba ya go tswalelwa ga Ofisi e Kgolo ya Dihlatse tša Jehofa le mekgatlo e mengwe e 395 ya Russia. Le gona, moahlodi yoo o ile a botšiša gore go fediša mekgatlo yeo ka moka go tla kgoma bjang borapedi bja Dihlatse, e bile o ile a botšiša gantšintši gore Dihlatse tša Jehofa di bea bjang setšhaba kotsing le gore di dira eng gore se se šireletšege. Boramolao bao ba lwelago Dihlatse ba ile ba botšiša dipotšišo tšeo di ilego tša utolla leano la ba Lefapha la Toka la go thibela mediro ka moka ya bodumedi bja Dihlatse tša Jehofa, e sego feela go no fediša mekgatlo ya tšona yeo e ngwadišitšwego semmušo.

Molato wo o tla tšwetšwa pele ka di-7 tša April 2017, ka iri ya lesome mesong.