Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

JULY 21, 2015
RUSSIA

Bahlankedi ba Lefapha la tša Kgwebo ba Thibela go Romelwa ga Dibeibele Nageng ya Russia

Bahlankedi ba Lefapha la tša Kgwebo ba Thibela go Romelwa ga Dibeibele Nageng ya Russia

Ka di 14 tša July, 2015, bahlankedi ba lefapha la tša kgwebo ba Russia ba ile ba tšea kgato e sa letelwago kgahlanong le Dihlatse tša Jehofa ka gore ba ganetše gore Beibele ya Phetolelo ya Lefase le Lefsa ya Mangwalo a Makgethwa ya Serussia e se romelwe nageng ye. Ga e sa le go tloga ka March 2015, bahlankedi ba mmušo ba Russia ba ile ba thibela go romelwa ga dipuku tša Dihlatse tša bodumedi gaešita le ge dipuku tšeo di se Lelokelelong la Dilo ka Moka tša Mekgatlo ya go Fišegela Bodumedi ka mo go Fošagetšego. Go thibela go romelwa ga dipuku gotee le go thibela Wepesaete ya semmušo ya www.jw.org, go bolela gore dilo ka moka tša bodumedi tšeo di tšweletšwago ke Dihlatse tša Jehofa e ka ba e le tšeo di phrinthilwego goba tša mokgwa wa elektroniki, ga se tša dumelelwa nageng ya Russia.