Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

OCTOBER 26, 2016
RUSSIA

Kgoro ya Tsheko e Phagamego ya Russia e Tšwela Pele go Thibela Mediro ya Dihlatse tša Jehofa

Kgoro ya Tsheko e Phagamego ya Russia e Tšwela Pele go Thibela Mediro ya Dihlatse tša Jehofa

Ka di-18 tša October 2016, Kgoro ya Tsheko e Phagamego ya Russia e ile ya thekga phetho ya kgoro e nyenyane ya gore mokgatlo wa semolao wa Dihlatse tša Jehofa kua Orel o fedišwe ka ge go thwe o kotsi kudu. Wo ke mokgatlo wa bošupa wa semolao wa Dihlatse woo dikgoro tša Russia di o fedišitšego, ka moka mekgatlo ye e fedišitšwe ka baka la go dirišwa gampe ga molao wa gore borapedi bja Dihlatse tša Jehofa bo kotsi kudu.

Balaodi ba mmušo ba Orel ba kile ba leka go fediša mokgatlo wa semolao wa Dihlatse kua Orel ka ditatofatšo tša maaka. Ka morago ga gore maano ao a bona a pale, Kgoro ya Toka e ile ya bula molato ka May 2016, e latofatša mokgatlo wa semolao wa Dihlatse ka gore o kotsi kudu.

Molato wo ke o mogolo ka gobane mokgatlo wa semolao wa Dihlatse wa Orel ke wa mathomo wa go hwetša temošo le go fedišwa ga e sa le Ofisi ya Ramolao e rometše lengwalo ofising ya Dihlatse moo ka March 2016.