Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

NOVEMBER 11, 2014
RUSSIA

Molato wa go Fedišwa ga Mokgatlo wa Bodumedi Kua Samara o Tšwela Pele Kgorongkgolo ya Tsheko ya Russia

Molato wa go Fedišwa ga Mokgatlo wa Bodumedi Kua Samara o Tšwela Pele Kgorongkgolo ya Tsheko ya Russia

Ka November 12, 2014, Kgorokgolo ya Tsheko ya Russia e ile ya tšwela pele ka go theetša molato wa go fedišwa ga mokgatlo wa bodumedi wa Dihlatse tša Jehofa kua Samara. Molato wo o thomile go theetšwa kgweding ya go feta ka October 8, Kgoro yeo e be e tletše ka ba ditaba, baemedi ba mmušo ba dinaga tše dingwe bao ba bego ba tlo lebelela, boramolao le Dihlatse tše dingwe. Ka morago ga go boledišana ka ditaba tše itšego, Kgoro e ile ya emiša ganyenyane ka go theetša molato wo.

Vasiliy Kalin, e lego Moemedi wa Dihlatse tša Jehofa kua Russia, o boletše gore: “Re tloga re holofela gore Kgorokgolo ya Tsheko ya Russia e hlomphegago e tla ahlola ka toka molato wo le go thekga seo molaotheo wa naga wa tokologo ya setšhaba o se bolelago ka go fediša phetho ya motšhotšhisi.” Dihlatse tša Jehofa di holofela gore Kgoro e tla šireletša tokelo ya tokologo ya bodumedi yeo e bolelwago ke Molaotheo wa Naga ya Russia.