Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

RUSSIA

Kakaretšo ya Ditaba tša Molao Nageng ya Russia

Kakaretšo ya Ditaba tša Molao Nageng ya Russia

Mathomong Dihlatse tša Jehofa di be di thabela go rapela ka khutšo nageng ya Russia ka morago ga gore mmušo o di ngwadiše semolao ka 1992. Dihlatse di ile tša ingwadiša gape ka 1999 ka tlase ga molao wa Law on Freedom of Conscience and Religious Associations (e lego molao wo o thekgago tokologo ya letswalo le go ikgethela bodumedi). Go na le mekgatlo e mentši ya bodumedi bja Dihlatse tša Jehofa yeo e ingwadišitšego semmušo nageng ye.

Lega go le bjalo, Dihlatse tša Jehofa di sa na le mathata a magolo ao a beago tokologo ya tšona ya bodumedi kotsing. Go tloga ka 2009, mekgatlo yeo e kgonthišetšago gore melao ya naga e a latelwa e ile ya kgothaletša lesolo la naga ka moka la go lwa le Dihlatse ka go diriša gampe Molao wa go Fediša Mediro ya Bao ba Fišegelago Bodumedi ka mo go Fošagetšego. Dikgoro tša tsheko tša Russia di ile tša bolela gore dipuku tše dintši tša Dihlatse tša Jehofa go akaretša le Wepesaete ya tšona ya semmušo ya jw.org, e bontšha go fišegela bodumedi ka mo go fošagetšego. Maphodisa a phuruphuditše magae a mantši a Dihlatse le mafelo a tšona a borapedi. Baahlodi ba ile ba bona Dihlatse molato wa bosenyi e le feela ka gobane di eya dibokeng le go swara diboka tša bodumedi.

Go sa šetšwe seo Kgoro ya Yuropa ya Ditshwanelo tša Batho le mekgatlo ya dinaga tše dingwe e se boletšego ka bothata bjo, balaodi ba mmušo wa Russia ga se ba ka ba dira selo go lokiša bothata bja go tlaiša Dihlatse tša Jehofa le go di kgetholla. Balaodi bao ba kgonthišetšago gore melao ya naga e a latelwa ba leka ka thata go thibela mediro ya Dihlatse tša Jehofa.