Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

JUNE 3, 2015
RUSSIA

Kgoro ya Toka e Ngwadiša Dihlatse tša Jehofa tša Moscow

Kgoro ya Toka e Ngwadiša Dihlatse tša Jehofa tša Moscow

Ka di-27 May 2015, Russian Federation Ministry of Justice e lego kgoro yeo e ikarabelago ka go thea le go kgonthišetša gore melao le ditekanyetšo tša mmušo di a latelwa e ngwadišitše semmušo Mokgatlo wa Bodumedi wa Dihlatse tša Jehofa wa Moscow. Go ngwadišwa mo go diregile ngwaga e mehlano ka morago ga gore Kgoro ya Yuropa ya Ditokelo tša Batho (ECHR) e ahlole ka gore phetho yeo kgoro ya tsheko ya Moscow e e dirilego ya go tswalela mokgatlo wa bodumedi wa Dihlatse e be e se molaong.

Ka morago ga go fetša mengwaga e mentši go iwa kgorong ya tsheko, Kgoro ya Tsheko ya Selete ya Golovinskiy nageng ya Moscow e ile ya ahlola ka gore mokgatlo wa bodumedi wa Dihlatse o tswalelwe ka 2004. Ka 2010, ECHR e ile ya laela naga ya Russia go rarolla bothata bjo ka go ngwadiša mokgatlo wo le go lefa ditshenyagalelo. Mmušo wa Russia o ile wa lefa faene eupša ga bjale ke gona o ngwadiša mokgatlo wo wa bodumedi.