Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

KOREA BORWA

Kakaretšo ya Ditaba tša Molao Nageng ya Korea Borwa

Kakaretšo ya Ditaba tša Molao Nageng ya Korea Borwa

Dihlatse tša Jehofa di be di dutše di le gona Korea ka mengwaga e fetago e 100, e bile di dira mediro ya tšona ya bodumedi ka bolokologi. Bothata botee bjo bogolo bjo di lebanago le bjona nageng ya Korea Borwa ke gore mmušo o a di golega ka ge di gana go tsenela bošole ka baka la letswalo la tšona.

Korea Borwa ga e nee batho tokelo ya go gana go tsenela bošole ka baka la letswalo e bile ga e na molao wa gore go dirwe mediro e mengwe yeo e sego ya bošole. Ka baka la se, masogana a Dihlatse ao a ganago go tsenela bošole ka baka la letswalo a golegwa lebaka la dikgwedi tše 18. Kgwedi e nngwe le e nngwe go golegwa banna ba Dihlatse ba 40 go ya go ba 50. Ka morago ga gore bao ba ganago go tsenela bošole ka baka la letswalo ba lokollwe kgolegong, ba tšwela pele ba tlaišega ka ge ba na le pego ya molato wa bosenyi le gore ba ganne go ya bošoleng. Ka baka la se, Hlatse e ka palelwa ke go hwetša mošomo le dilo tše dingwe tšeo di newago setšhaba.

Batho ba bangwe bao ba bago le mathata ke banna bao ba kilego ba ya bošoleng eupša gona bjale ba tseba thuto ya Beibele ya gore re rate baagišani le gore re se ke ra ithuta ntwa. Ka ge ba sa dutše ba ka bitšwa go tla bošoleng, banna ba ba golegwa gantši le go lefišwa difaene ka ge ba gana go tlwaeletšwa bošole.

Komiti ya Ditshwanelo tša Batho ya Ditšhaba tše Kopanego e ntšhitše diphetho tše fetago 500 kgahlanong le Korea Borwa ka baka la go gatakela tokelo ya bao ba ganago go tsenela bošole ka baka la letswalo le gore ga se mo go kwagalago go golega masogana a. E boletše gape gore Korea Borwa e “swanetše go tlogela go gatakela ditokelo tša batho” le nakong e tlago. Gore go rarollwe bothata bjo, go tla nyakega gore mmušo wa Korea Borwa o hlomphe tokologo ya letswalo le ya bodumedi.