Eya go dikagare

Eya go menyu wa bobedi

Dihlatse tša Jehofa

Sepedi

MAY 18, 2015
KOREA BORWA

Moahlodi wa Korea Borwa ga se a Bona Bao ba Ganago go Dira Mediro ya Bošole Molato

Moahlodi wa Korea Borwa ga se a Bona Bao ba Ganago go Dira Mediro ya Bošole Molato

Ka May 12, 2015, Kgoro ya Tsheko ya Selete ya Gwangju ga se ya bona Dihlatse tša Jehofa tše tharo molato ka ge di ganne go tsenela mediro ya bošole ka baka la letswalo. Kahlolong yeo e dirilwego, Moahlodi yo Mogolo e lego Choi, Chang-seok o boletše gore: “Go bohlokwa gore tokologo ya letswalo yeo e thekgwago ke Molaotheo e dirišwe ka tsela yeo e ka se šitišanego le mošomo wa go šireletša naga.” O okeditše ka gore: “Ge ditokelo tša motheo di thulana le dikarolo tše dingwe tša molaotheo wa naga go swana le mešomo e mengwe yeo badudi ba letetšwego go e dira, gona molao o swanetše go kgonthišetša gore tokelo ya motho e a hlompšha le gore molaotheo wa naga ga o tshelwe.” Dihlatse di letetše go bona ge eba motšhotšhisi a ka dira boipiletšo kgahlanong le kahlolo ye pele matšatši a šupa a feta.