Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

ERITREA

Kakaretšo ya Ditaba tša Molao Nageng ya Eritrea

Kakaretšo ya Ditaba tša Molao Nageng ya Eritrea

Dihlatse tša Jehofa di tlaišwa o šoro nageng ya Eritrea. Ga e sa le naga ye e thoma go ikemela ka 1993, mmušo wa Eritrea o tšwela pele o golega le go tlaiša Dihlatse tša Jehofa. Taelo ya mopresitente yeo e ntšhitšwego ka di-25 tša October, 1994, e ile ya bolela gore Dihlatse nageng ya Eritrea “ga e sa le badudi ba naga ye” ka ge di gana go tšea karolo medirong ya dipolotiki le go gana go ingwadišetša go tsenela bošole. Ka baka la se, mmušo o ile wa tšeela Dihlatse ditokelo tša tšona tša motheo tša go ba badudi ba naga.

Go tlaišwa ga Dihlatse ka mengwaga e mentši go dirile gore tše dintši tša tšona di tšhabe nageng ye. Dihlatse tšeo di šetšego nageng ye di dula ka go se lokologe ka ge di tšhoga go tlaišwa e bile di dira mediro ya tšona ya bodumedi ka šedi. Ka mengwaga e mentši, balaodi ba ba mmušo wa Eritrea ba be ba dutše ba golega Dihlatse tša Jehofa, tše dingwe di be di golegwa ka ge di ganne go tsenela bošole ka baka la letswalo, tše dingwe di golegwa ka baka la ge di gana go tlogela go bokana dibokeng tša tšona tša bodumedi, tše dingwe di golegwa ka baka la ge di sa nyake go tlogela go boledišana le batho ba bangwe ka Beibele le ka mabaka a mangwe ao a sa bolelwego. Go golegwa le batšofadi, gomme ka dinako tše dingwe go golegwa le bana. Banna ba bararo ba Dihlatse ba šetše ba feditše mengwaga e fetago e 20 ba golegilwe. Ga go le o tee wa bona yo a ilego a sekišwa le go bonwa molato goba go fiwa kotlo ya mengwaga e itšego kgolegong.

Go tlaišwa ga Dihlatse tša Jehofa nageng ya Eritrea go dirile gore dinaga tše dingwe di tsene taba ye. Bahlankedi ba mmušo ba Afrika, Yuropa le United States ba ile ba boledišana ka taba ye le balaodi ba mmušo ba Eritrea, eupša mmušo ga se wa dira selo ka taba ye. Dihlatse le tšona di ile tša dira dikgopelo tše dintši go balaodi ba mmušo motseng mošate wa Eritrea e lego Asmara gore di be le dipoledišano tša go rarolla mathata a, eupša mmušo ga o nyake go kopana le tšona.