Dihlatse tša Jehofa di tšwela pele go thuša Bakristegotee le tšona le batho ba bangwe bao ba gobetšego nakong ya mafula. Mafula ao a wetše motse wa Boma, kua Democratic Republic of the Congo ka di-26 tša December, motse woo o bokgole bja dikhilomithara tše e ka bago tše 470 go tšwa borwabodikela bja Kinshasa.

Malapa a Dihlatse tša Jehofa a 39 a kgomilwe ke mafula ao gomme Hlatse e tee ya hlokofala mafuleng ao. Go oketša moo, dintlo tše hlano tša Dihlatse di gogotšwe ke mafula ao gomme tše hlano tša senyega ganyenyane.

Ofisi ya lekala ya Dihlatse tša Jehofa kua Congo e ile ya romela dijo le diaparo karolong ya ka bodikela ya naga go Dihlatse tšeo di kgomilwego ke kotsi yeo. Dihlatse tšeo di dulago toropong ya Matadi le Muanda tšeo di lego bokgole bja dikhilomithara tše 80 go tloga Boma, di ile tša ithaopela go thuša badumedigotee le tšona.

Sehlopha se Bušago sa Dihlatse tša Jehofa se etelela pele modiro wa tlhakodišo Congo se le ntlongkgolo ya rena kua Warwick, New York, gomme se diriša meneelo yeo e ntšhitšwego go thekga modiro wa lefase ka moka wa Dihlatse tša Jehofa.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Democratic Republic of the Congo: Robert Elongo, +243-81-555-1000