Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

JULY 10, 2013
UNITED STATES

Dihlatse tša Jehofa di Rekiša Meago ya Tšona ya Kua Brooklyn

Dihlatse tša Jehofa di Rekiša Meago ya Tšona ya Kua Brooklyn

KUA New York ka July 5 2013, Dihlatse tša Jehofa di saenne kwano ya go rekišetša RFR and Kushner Companies meago ya tšona e mehlano yeo peleng e bego e dirišetšwa go gatiša le moago wa mabato a 30 ao go bego go dulwa go ona kua Brooklyn, New York. Dihlatse di tla thoma go huduga meagong yeo mathomong a August ngwageng wo. Di tla tšwa moagong wa bodulo ka 2017.

Mmoleledi wa Dihlatse tša Jehofa, David Semonian, o re: “Batho bao ba yago mošomong le baeng bao ba etelago New York City ge ba feta Brooklyn Bridge ba bona leswao leo le rego ‘Bala Lentšu la Modimo Beibele e Kgethwa ka Mehla’ le leo le rego ‘Bala Morokami le Phafoga!’ meagong ye. Go fetile nywaga e mentši modiro wo o dirwago meagong ye o be o emela karolo e kgolo ya histori ya mokgatlo wa rena le go ba ga rena mo Brooklyn.” Dihlatse di dirišitše meago ye e mehlano go gatiša Dibeibele le dikgatišo tša go ruta Beibele ka maleme a mantši ka nywaga e 77. Moago wa mathomo o thomile go dirišwa ka 1927 gomme mathomong a bo-1937, go ile gwa oketšwa ka meago e mengwe. Moagong wa bodulo wa mabato a 30 go be go dula bašomi ba ka bago ba sekete bao ba bego ba kgona go ya moo go gatišwago dipuku ntle le gore ba tšwele ka ntle ga moago.

Dihlatse di rekiša meago ya tšona ka ge ga bjale di tla šomela ka leboa la naga. Ka 2004, lekala la United States le ile la thoma go hudušetša lefapha la bogatišetšo, la go dira dipuku le la thomelo ya dipuku Wallkill New York. Ga bjale, Dihlatse di nyaka go hudušetša ntlokgolo ya tšona ya lefase ka bophara Warwick, New York, gomme di tla thoma go aga ge ngwaga wo o eya mafelelong.

Mna. Semonian o oketša ka gore: “Re tšeela godimo nywaga e mentši yeo re e feditšego re le mo Brooklyn. Re dirišitše meago ye go tšweletša dikgatišo tšeo di theilwego Beibeleng tšeo di thušago batho lefaseng ka bophara. Ga bjale re fagahletše go diriša meago ya rena e mefsa kua Warwick go tšwetša pele modiro wa rena wa lefase ka bophara wa go ruta Beibele.”

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala. +1 718 560 5000