Eya go dikagare

Eya go menyu wa bobedi

Dihlatse tša Jehofa

Sepedi

APRIL 12, 2017
RUSSIA

Go Tšweleditšwe Bohlatse bjo Bongwe Letšatšing la Bone Kgorongkgolo ya Tsheko ya Russia

Go Tšweleditšwe Bohlatse bjo Bongwe Letšatšing la Bone Kgorongkgolo ya Tsheko ya Russia

NEW YORK—Kgorokgolo ya Tsheko ya Russia e tšwetše pele letšatšing la bone la go seka molato wo o butšwego ke ba Lefapha la Toka wa go tswalela Ofisi e Kgolo ya Dihlatse tša Jehofa. Go be go tlile batho ba bantši. Thapameng ya letšatši leo, Kgoro e ile ya bolela gore molato o tla emišwa ganyenyane gomme o tla tšwela pele ka Laboraro la di-19 tša April 2017, ka iri ya lesome mesong.

Boramolao bao ba emelago Dihlatse tša Jehofa ba ile ba thoma ka go emelela Ofisi e Kgolo ya Dihlatse tša Jehofa, gomme ka morago boramolao bao ba emelago Lefapha la Toka ba botšiša dipotšišo. Ge moahlodi a arabela go seo se boletšwego ke boramolao bao ba emelago Dihlatse tša Jehofa, o ile a kgopela boramolao ba Lefapha la Toka go bolela ka go lebanya mabaka a semolao a gore ba nyake go tswalela Ofisi e Kgolo ya Dihlatse tša Jehofa. Boramolao bao ba emelago Lefapha la Toka ba ile ba se kgone go araba moahlodi le go araba dipotšišo tše dingwe tše di swanago le yeo. Letšatšing leo molato o ile wa phethwa ka morago ga gore dihlatse tše di emelago Ofisi e Kgolo ya Dihlatse tša Jehofa le tšeo di emelago Lefapha la Toka di bolele.

Kgoro ya tsheko e tla tšwela pele ka molato wo bekeng e tlago.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Russia: Yaroslav Sivulskiy, +7-911-087-8009