Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

FEBRUARY 14, 2013
RUSSIA

Russia: Dithibelo tša Gore go se be le Dikopano ga di Molaong

Russia: Dithibelo tša Gore go se be le Dikopano ga di Molaong

Kgoro ya Molaotheo ya Russia e kgonthišeditše ka December 5, 2012, gore ga go hlokagale gore mekgatlo ya bodumedi e kgopele tumelelo go mmušo ge e nyaka go swara dikopano tša bodumedi e sa diriše diholo tša yona. Tsheko yeo ye e thomilwego ke Kgoro ya Ditokelo tša Batho ya Ombudsman ya mmušo wa Russia, e be e bolela kudu ka Dihlatse tša Jehofa tšeo di swarago dikopano ngwaga le ngwaga mafelong ao di a hirišago le magaeng a itšego. Kgoro ya Molaotheo e dirile phetho ya yona e ithekgile ka diphenyo tšeo Dihlatse tša Jehofa di bilego le tšona Kgorong ya Ditokelo tša Batho ya Yuropa. Mmoleledi wa Dihlatse tša Jehofa, Grigory Martynov, o re: “Re holofela gore phetho ye e re dumelela gore re kopane re sa šitišwe ke motho le gona e re nea tokologo ya bodumedi mo Russia.”

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000

Russia: Grigory Martynov, mogala +7 812 702 2691