Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

JANUARY 21, 2015
PHILIPPINES

Bahlaselwa ba Ledimo ba Boela Magaeng a Bona ka Morago ga Ngwaga

Bahlaselwa ba Ledimo ba Boela Magaeng a Bona ka Morago ga Ngwaga

MANILA, Philippines—Dihlatse tša Jehofa di ile tša thoma lenaneo le legolo la go aga le go lokiša dintlo tše ka bago tše 750 ka lebaka la ka tlase ga ngwaga ka morago ga go hlasela ga Ledimo le Matla la Haiying.

Baithaopi ba ka bago ba bahlano ba be ba kgona go aga ntlo ka matšatši a mahlano.

Dean Jacek, yo e lego mmoleledi wa Dihlatse tša Jehofa kua Philippines, o hlalosa gore: “Re ile ra ipeela nako ya gore re nyaka go fetša modiro wo ka September 2014. Re thomile go aga mathomong a ngwaga, ka thušo ya baithaopi ba bantši, re ile ra fetša modiro wo mafelelong a August.”

Baithaopi ba tšwago mo le bao ba tšwago dinageng tše dingwe ba ile ba thuša ka go aga.

Sehlopha se Bušago sa Dihlatse tša Jehofa se ile sa lokišetša gore meneelo yeo e tšwago go Dihlatse lefaseng ka bophara e romelwe modirong wo wa tlhakodišo. Ofisi ya lekala ya Dihlatse kua Manila e ile ya hloma komiti ya tlhakodišo bakeng sa go rulaganya modiro wa go aga goba go tsošološa dikarolo tše di kgomilwego ke ledimo le. Se se be se akaretša go aga le go tsošološa magae a Tacloban City a 167, magae a Ormoc City a 256, magae a Cebu City a 101 le magae a Roxas City a 218. Baithaopi ba 522 e be e le ba Philippines gomme ba 90 ba etšwa dinageng tše dingwe.

Rep. Ferdinand Martin G. Romualdez, First District of Leyte.

Mna. Ferdinand Martin G. Romualdez, yo e lego moemedi wa First District of Leyte, o boletše gore: “Dihlatse tša Jehofa e bile mokgatlo wa pele wo e sego wa mmušo go tlo thuša ka modiro wo wa go aga. . . . Rena le malapa a rena, ruri re hloka le mantšu a go leboga.”

Ba Ditaba

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000

Philippines: Dean Jacek, mogala +63 2 411 6090