Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

MARCH 6, 2015
MOZAMBIQUE

Dihlatse di Nea Tlhakodišo ka Morago ga Mafula a Sentšego Kudu Mozambique

Dihlatse di Nea Tlhakodišo ka Morago ga Mafula a Sentšego Kudu Mozambique

MAPUTO, Mozambique—Go na ga dipula tše maatla tšeo di thomilego ka December go fihla bogareng bja January profenseng ya Zambezia Mozambique, go bakile mafula ao a bolailego batho ba 158. Ofisi ya lekala ya Dihlatse tša Jehofa ya Mozambique e begile gore ga go Hlatse ya Jehofa yeo e gobetšego goba yeo e hlokofetšego. Lega go le bjalo, mafula a a sentše mafelo a mabedi a borapedi a Dihlatse (Diholo tša Mmušo) gotee le magae a tšona a 225.

Baithaopi ba Dihlatse ba lokišetša go tsenya dijo ka gare ga helicopter go di iša motseng wa Chire seleteng sa Zambezia.

Dihlatse di ile tša rulaganya dikomiti tša tlhakodišo tše mmalwa go thuša ditho tša tšona mafelong ao a kgomilwego ke mafula. Dihlatse di ile tša diriša Diholo tša Mmušo e le mafelo a nakwana a bodulo le a go fa batho dijo. Motseng wa Chire, wo o lego bokgole bja dikhilomithara tše ka bago 1 500 go tloga Maputo, mafula a ile a senya maporogo ao batho ba a dirišago go tsena motseng, ka gona se se ile sa dira gore Dihlatse tše 1 300 di ikhwetše di le nyanyeng. Mokgatlo wa Difofane wa Mozambique o ile wa dumelela Dihlatse gore di iše ditone tše 17 tša ditlabakelo tša tlhakodišo ka helicopter motseng wo.

Motsaneng wa Morrumbala, go laišwa masaka a mabele gore a yo fiwa batho bao ba wetšwego ke kotsi

Mmoleledi wa Dihlatse tša Jehofa Mozambique, e lego Alberto Libombo, o re: “Ruri go a thabiša go bona ditho tša rena tša mo nageng di dira maiteko a magolo a go šoma le rena modirong wa tlhakodišo. Ofisi ya lekala la Mozambique e sa tšwela pele e rulaganya gore Dihlatse tše di kgomilwego ke kotsi di išetšwe dijo le gore di tle di lokišetšwe le go agelwa magae. Re tla tšwela pele re dira sohle seo re ka se kgonago go kgothatša bahlaselwa ka Beibele le go ba thuša.”

Holo ya Mmušo motseng wa Chiromo yeo e dirišwago e le lefelo la go aba dijo

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000

Mozambique: Alberto Libombo, mogala +258 21 450 500