Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

MAY 22, 2015
MEXICO

Dihlatse tša Jehofa di Laletšwa Pontšhong ya Dipuku

Dihlatse tša Jehofa di Laletšwa Pontšhong ya Dipuku

MEXICO CITY—Dihlatse tša Jehofa di ile tša laletšwa go tlo bontšha dipuku tša tšona pontšhong ya Guadalajara International Book Fair, e lego pontšho e kgolo dinageng tšeo di bolelago Sepanishi yeo e fetwago ke ya Frankfurt Book Fair ya Jeremane. Pontšho ye e be e swaretšwe toropong ya Guadalajara, nageng ya Mexico go tloga ka di-28 November go fihla ka di-6 December 2014, gomme batho ba fetago 760 000 ba be ba tlile tiragalong ye.

Go ile gwa sepetšwa dikopi tše fetago 4 000 tša dibolumo tše pedi tša puku ya Dipotšišo tša Bafsa le Dikarabo tše Šomago.

Gare ga bagatiši ba 1 900 bao ba tšwago dinageng tše 44, go be go ena le Dihlatse tša Jehofa tšeo di ilego tša tšea karolo tiragalong ye mo di bego di na le ntlwana ya go bontšha Beibele, dibidio, dipuku le dipukwana tšeo di theilwego Beibeleng go akaretša le dipuku tšeo di bolelago ka malapa, bafsa le bana.

Gamaliel Camarillo, e lego mmoleledi wa Dihlatse tša Jehofa nageng ya Mexico, o boletše gore: “Matšatši ka moka a mane re be re dirile ntlwana moo re bego re bontšha dipuku le dipukwana; batho ba 10 000 ba ile ba batamela ntlwana ye gomme ra ba nea dipuku le dipukwana tše 29 000 mahala. Lega go le bjalo, pakane ya rena ga se go fo nea batho dipuku. Dimakasine le dipuku tša rena di hlametšwe go tsebiša molaetša wa Beibele le dikeletšo tše šomago tšeo di holago batho ba bantši letšatši le letšatši.”

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000

Mexico: Gamaliel Camarillo, mogala +52 555 133 3048