Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

OCTOBER 21, 2016
ITALY

Lesolo la Dihlatse la go Homotša Batho ka Morago ga Tšhišinyego e Kgolo ya Lefase Kua Italy

Lesolo la Dihlatse la go Homotša Batho ka Morago ga Tšhišinyego e Kgolo ya Lefase Kua Italy

KGWEDING ka moka ya September 2016, Dihlatse tša Jehofa di be di nea batho makasine wa Morokami wo o bego e bolela ka khomotšo kua motsengmošate wa Italy e lego Rome. Sehlogo sa wona seo se rego, “O ka Hwetša Kae Khomotšo?” e be e le sona seo Dihlatse di bego di se diriša lesolong la lefase ka moka. Dihlatse di ile tša dira maiteko a magolo a go nea batho khomotšo e tšwago ka Beibeleng bogareng bja Italy, moo tšhišinyego ya lefase ya bogolo bja 6,2 e ilego ya hlasela ditikologo tša Lazio, Marche le Umbria ka di-24 tša August 2016. Tšhišinyego yeo e bolaile batho ba e ka bago ba 300 gomme ba 2 000 ba ile ba šala ba se na mo ba dulago.

Christian Di Blasio, e lego seboleledi sa Dihlatse tša Jehofa kua Italy, o re: “Lesolo le la lefase ka moka le be le diretšwe go homotša batho ba dinageng ka moka le maemong ka moka, eupša mo Italy, re be re lebišitše tlhokomelo go bao ba kgomilwego kudu ke tšhišinyego ya lefase gotee le mathata a bao ba bego ba thuša ka modiro wa tlhakodišo.”

Dihlatse tša Jehofa di boledišana le motho yo a kgomilwego ke tšhišinyego ya lefase kua Amatrice, e lego toropo yeo go gobetšego batho ba bantši.

Le ge go na le diphuthego tše 15 tša Dihlatse tša Jehofa tikologong yeo e wetšwego ke kotsi, ga go na Dihlatse tšeo di hlokofetšego goba tšeo di gobetšego kudu. Lega go le bjalo, dintlo tše tharo tša Dihlatse di ile tša wa gomme tše dingwe tša senyega. Morena Di Blasio o boletše gore, Dihlatse tše dingwe tšeo di senyagaletšwego ke dintlo di ile tša dira boiteko bja go homotša baagišani ba tšona di diriša makasine wo o bolelago ka khomotšo. Go oketša moo, Dihlatse tšeo di phologilego tšhišinyegong ya lefase yeo e diregilego pejana di ile tša boledišana le bao ba kgomilwego ke tšhišinyego yeo e sa tšwago go direga. Morena Di Blasio o re: “Bao ba bego ba thuša batho modirong wa tlhakodišo ba boletše gore molaetša wa Beibele o ba homoditše kudu, ka go re’alo ba nyaka go dira sohle seo ba ka se kgonago go homotša batho ba bangwe bao ba tlaišegago.”

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, 1-718-560-5000

Italy: Christian Di Blasio, 39-06-872941