Eya go dikagare

Eya go menyu wa bobedi

Dihlatse tša Jehofa

Sepedi

JANUARY 15, 2013
FIJI

Ledimo le Matla la Evan le Hlasela Dihlakahlaka tša Borwa bja Pacific

Ledimo le Matla la Evan le Hlasela Dihlakahlaka tša Borwa bja Pacific

Kua Suva, FIJI, magareng ga December 2012, ledimo le matla kudu leo le senyago o šoro le ile la hlasela Fiji le Samoa. Ka ge ledimo le le hlaloswa e le le matla kudu go feta ao a hlasetšego Fiji nywageng e 70 e fetilego, Ledimo la Evan le ile la baka tšhwalalanyo e kgolo le go senya motse. Motho yo mongwe o ile a bapetša tshenyo ya kua Samoa le masetlapelo a bakilwego ke tsunami ya 2009.

Dihlatse tša Jehofa di bega gore ga go ditho tša tšona tšeo di bolailwego goba go gobatšwa ke ledimo le. Lega go le bjalo, ledimo leo le sentše magae a mantši a Dihlatse. Kua Fiji, ge go be go hlahlobja la mathomo go ile gwa hwetšwa gore malapa a ka godimo ga a 80 a Dihlatse a šwalalane goba a senyegile. Kua sehlakahlakeng sa Samoa ya Upolu, Dihlatse tše 47 di ile tša lahlegelwa ke magae ka baka la ledimo.

Bao ba lahlegetšwego ke magae kua Samoa ba ile ba išwa mafelong a borapedi a Dihlatse tša Jehofa, gotee le magaeng a mangwe a Dihlatse. Masolo a mangwe a go hlakodiša kua Samoa a ile a rulaganywa ke ofisi ya lekala ya Dihlatse tša Jehofa ya kua Australia. Ga e sa le go tloga ka December 18, dijo le dilo tša go hlapa le go hlatswa di ile tša romelwa diphuthegong tše nne gomme diofisi tša bofetoledi tša Dihlatse tša Jehofa di ile tša dirišetšwa go boloka meetse a hlwekilego. Sehlopha sa Dihlatse se ile sa lokiša malapa a senyegilego le go diriša metšhene go hlwekiša mafelo ao a bego a tletše leraga le meetse. Kua Fiji, dinyakwa tša bao ba kgomilwego ke ledimo di ile tša hlokomelwa ke dikomiti tša tlhakodišo tšeo di bopšago ke baithaopi ba Dihlatse. Tšona dikomiti tšeo ga bjale di sa hlokomela dinyakwa tša Dihlatse tšeo dibjalo tša tšona di sentšwego ke ledimo.

Tevita Sadole, e lego mmoleledi wa Dihlatse tša Jehofa kua Fiji, o re: “Le ge re na le mošomo o montši woo re swanetšego go o dira ka baka la tshenyo ye, mošomo o tšhaba diatla. Re fagahletše go thuša ditho tša rena le baagišani ba rena matšatšing a letšego ka pele.”

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000

Australia: Donald MacLean, mogala +61 2 9829 5600

Fiji: Tevita Sadole, mogala +679 330 4766