Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

JANUARY 13, 2015
CROATIA

Dipuku tša Dihlatse ke Karolo ya Pontšho ya go Tuma ya Ditšhabatšhaba ya Dipuku Croatia

Dipuku tša Dihlatse ke Karolo ya Pontšho ya go Tuma ya Ditšhabatšhaba ya Dipuku Croatia

ZAGREB, Croatia—Dihlatse tša Jehofa di tšere karolo la mathomo pontšhong ya dipuku ya go tuma ya Interliber International Book and Teaching Appliances Fair ka November 11-16, 2014. Pontšhong ye ya go swarwa ngwaga le ngwaga, go be go e na le batho ba makgolokgolo go tloga ka bagatiši ba dipuku go ya go barutiši gomme ye e ile ya tšewa e le pontšho e kgolo Croatia. Batho bao ba tlilego pontšhong ye e bile ba ka bago 130 000.

Mopresidente wa Repabliki ya Croatia, Dr. Ivo Josipović, a le pontšhong ya Dihlatse a tšea tše dingwe tša dipuku.

Yo mongwe wa bao ba bego ba tlile pontšhong ye ya Dihlatse e bile Dr. Ivo Josipović, Mopresidente wa Repabliki ya Croatia. Mopresidente Josipović o ile a dumediša Dihlatse gomme a itšeela dipuku le dipukwana tšeo di bego di bolela ka thutamahlale le Beibele tša Na Dilo tše di Phelago di Bopilwe? The Origin of Life—Five Questions Worth Asking le Life—How Did It Get Here? By Evolution or by Creation?

Lefelong la bana go be go bontšhwa dibidio tšeo di lego go jw.org gape go be go na le dipuku le dipukwana tšeo di hlametšwego go thuša bafsa le batswadi.

Seo se tantšego mahlo kudu pontšhong ye e bile lefelo la bana, moo baeng ba bego ba kgona go bogela dibidio tša dipopaye tšeo di lego Wepesaeteng ya semmušo ya Dihlatse tša Jehofa ya jw.org tšeo di hlametšwego go ruta bana Beibele. Baeng ba be ba itšeela kudu puku ya Dipotšišo tša Bafsa le Dikarabo tše Šomago, yeo e neago bafsa le batswadi tlhahlo e šomago.

Josip Liović, e lego mmoleledi wa Dihlatse tša Jehofa Croatia, o boletše gore: “Re thabišitšwe ke go hwetša kamogelo e borutho pontšhong ye ya Interliber. Pontšho ye e bile le katlego e kgolo go feta ka mo re bego re letetše, mo baeng ba ilego ba itšeela dipuku le dipukwana tše fetago 7 500. Re lebeletše pele go nea baeng ba dipuku tše dingwe ngwageng o tlago.”

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000

Croatia: Josip Liović, mogala +385 91 5336 511