Eya go dikagare

Eya go menyu wa bobedi

Dihlatse tša Jehofa

Sepedi

JULY 25, 2014
CROATIA

Dihlatse di Rulaganya Tlhakodišo Kua Balkans

Dihlatse di Rulaganya Tlhakodišo Kua Balkans

ZAGREB, Croatia—Dikomiti tša tlhakodišo tša baithaopi ba Dihlatse, tšeo di bego di thušwa ke baemedi ba go tšwa ofising ya lekala ya Dihlatse tša Jehofa ya kua Jeremane, di ile tša thuša baphologi ba mafula a matla kudu ao a sa kago a ba gona kua Bosnia-Herzegovina, Croatia le Serbia. Dipula tša matlorotloro kua Balkans tšeo di thomilego ka di-13 tša May go ya go di-15 tša May, 2014 di bakile mafula a matla kudu gomme se sa feleletša ka ditiragalo tša go kgerega ga leraga tše ka bago tše 3 000.

Dikomiti tša tlhakodišo di ile tša thuša bao ba hudušitšwego ka dinamelwa, dijo, diaparo le madulo a nakwana. Le ge go se na Dihlatse tša Jehofa tšeo di hlokofetšego goba go gobala kotsing ye, magae a tšona a 14 a sentšwe o šoro. Ntlo e tee ya borapedi yeo e dirišwago ke Dihlatse le yona e sentšwe. Ga bjale dikomiti di eteletše pele mošomo wa go lokiša magae ao a sentšwego le go aga leswa dintlo tša bao ba lahlegetšwego ke magae a bona ka mo go feletšego.

Josip Liović, e lego mmoleledi wa ofisi ya lekala ya Dihlatse tša Jehofa kua Croatia, o boletše gore: “Re imologile kudu go kwa gore diphuthegong tša rena ga go na bao ba gobetšego kotsing ye ye šoro, eupša re kwešitšwe bohloko ke bao ba llago ka ge ba lahlegetšwego ke ditho tša malapa le bagwera. Re dira maiteko a tseneletšego go homotša baagišani ba rena go dikologa Balkans. Re leboga bagwera ba rena ba go tšwa Jeremane bao ba re thušitšego go rulaganya mošomo wa tlhakodišo woo o tlago go hlokega dibekeng le dikgweding tše tlago.”

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000

Croatia: Josip Liović, mogala +385 91 5336 511

Serbia: Daniel Domonji, mogala +381 11 405 99 00