Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

FEBRUARY 15, 2013
AUSTRALIA

Dihlatse tša Jehofa di Thuša Bao ba Hlasetšwego ke Mafula Kua Australia

Dihlatse tša Jehofa di Thuša Bao ba Hlasetšwego ke Mafula Kua Australia

KUA Sydney, mafula a ile a hlasela bohlabela bja Australia ka morago ga ge Ledimo le matla la Oswald le tlišitše sesasedi, maphoto a senyago le pula ya matlorotloro yeo e fihlilego le kua Queensland le leboa la New South Wales. Go hwile batho ba ka bago ba bane gomme ba fetago 1 000 ba lahlegelwa ke magae. Toropo ya Bundaberg, yeo e lego bogareng bja lebopo la Queensland, e senyegile ka mo go feteletšego gobane ledimo leo ga se la tliša feela mafula a senyago kudu go feta a nywaga e lekgolo e fetilego eupša gape a tlišitše disasedi tše hlano.

Ofisi ya lekala ya Dihlatse tša Jehofa kua Sydney e begile gore ga go Hlatse yeo e hlokofetšego goba yeo e gobetšego. Eupša mo e ka bago dintlo tše 53 tša Dihlatse kua Bundaberg di senyegile gomme batho ba 70 ba šetše ba se na magae. Bao ba lahlegetšwego ke magae, e lego bao ba hlakodišitšwego ka sefofane, ba dula malapeng a baagišani goba a Dihlatse tše dingwe lefelong leo.

Bagolo ba Dihlatse bao ba dulago moo ba ile ba hlama komiti ya tlhakodišo gore ba thuše batho. Kua seleteng sa Bundaberg, Dihlatse tše di fetago 250 le tšona di ile tša ithaopela go thuša, tše dingwe di ile tša ba tša tšea maeto a ka godimo ga dikhilomithara tše 160 gore di yo thuša bao ba kgomilego ke kotsi.

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000

Australia: Donald MacLean, mogala +61 2 9829 5600