Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  September 2017

 BOPHELO BJA BOKRISTE

Ke ka Baka La’ng o Tšeela Godimo Borapedi bja Therešo?

Ke ka Baka La’ng o Tšeela Godimo Borapedi bja Therešo?

Pono ya Hesekiele ya mabapi le tempele e ile ya kgothatša Bajuda bao ba bego ba le bothopša ka gobane e ile ya ba nea kholofelo ya gore borapedi bja therešo bo be bo tla tsošološwa. Mehleng ye ya bofelo, borapedi bja therešo bo ‘theilwe ka go tia e bile bo phagametše dithaba,’ gomme re gare ga batho bao ba tšwago ditšhabeng ka moka bao ba kgeregetšego go bjona. (Jes 2:2) Na ka mehla o naganišiša ka tokelo yeo o nago le yona ya go tseba Jehofa le go mo hlankela?

DITŠHEGOFATŠO TŠA GO BA BORAPEDING BJA THEREŠO:

  • Re hwetša dijo tše dintši tša moya tšeo di arabago dipotšišo tša bohlokwa bophelong, melao yeo re swanetšego go phela ka yona le kholofelo ya kgonthe.—Jes 48:17, 18; 65:13; Rom 15:4

  • Re na le bana babo rena le dikgaetšedi lefaseng ka moka bao ba re ratago.—Ps 133:1; Joh 13:35

  • Re na le tokelo ya go ba bašomigotee le Modimo modirong wo o kgotsofatšago.—Dit 20:35; 1Ko 3:9

  • Re hwetša “khutšo ya Modimo” yeo e re matlafatšago ge re wetšwe ke mathata.—Fil 4:6, 7

  • Re na le letswalo le le hlwekilego.—2Ti 1:3

  • Re na le “tswalano ya kgauswi le Jehofa.”—Ps 25:14

Nka bontšha bjang gore ke tšeela godimo borapedi bja therešo?