Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  September 2016

 MAHUMO AO A LEGO KA LENTŠUNG LA MODIMO | PSALME 119

‘Sepela Molaong wa Jehofa’

‘Sepela Molaong wa Jehofa’

Go sepela molaong wa Jehofa go bolela go latela tlhahlo ya Modimo ka go rata. Ka Beibeleng re na le mehlala e mentši e mebotse ya batho bao ka go swana le mopsalme, ba ilego ba latela molao wa Jehofa gomme ba ithekga ka yena.

Lethabo la kgonthe le ithekgile ka gore re sepele molaong wa Modimo

119:1-8

Joshua o ile a ithekga ka mo go feletšego ka tlhahlo ya Jehofa. O be a tseba gore e le gore a thabe le go atlega, o swanetše go bota Jehofa ka pelo ya gagwe ka moka

Lentšu la Modimo le re nea sebete seo re se hlokago gore re kgone go lebeletšana le diteko bophelong

119:33-40

Jeremia o ile a ba le sebete le go ithekga ka Jehofa ge a be a lebeletšane le maemo a thata. O ile a se ikgobokeletše dithoto tše dintši bophelong gomme a kgotlelela kabelong ya gagwe

Tsebo e nepagetšego ya Lentšu la Modimo e dira gore re bolele ditaba tše dibotse re kgodišegile

119:41-48

Paulo o be a sa tšhabe go botša motho le ge e le ofe molaetša wa Modimo. O be a tloga a kgodišegile gore Jehofa o tla mo thuša ge ka sebete a be a botša Mmuši Felikisi ditaba tše dibotse

Ke maemong afe moo nka bontšhago gore ke tloga kgodišegile ge ke botša ba bangwe ditaba tše dibotse?

  • Sekolong

  • Mošomong

  • Ka gae

  • Maemong a mangwe