Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE SEPTEMBER 2016

 BOPHELO BJA BOKRISTE

Re ka Dira Eng ge go ka Araba Ngwana ge re Kokota?

Re ka Dira Eng ge go ka Araba Ngwana ge re Kokota?

Ge go ka araba ngwana ge re kokota, re swanetše go mo kgopela go bolela le batswadi ba gagwe. Se se bontšha gore re hlompha batswadi ba ngwana yoo. (Die 6:20) Ge e ba ngwana a re botša gore re tsene ka ntlong, re swanetše go gana. Ge batswadi ba gagwe ba se gona, re ka boa nakong e tlago.

Ge e ba ngwana yoo e le mofsa, le gona e tla ba mo gobotse gore re kgopele go bolela le batswadi ba gagwe. Ge e ba ba se gona, re ka mmotšiša ge e ba batswadi ba gagwe ba mo dumelela gore a ikgethele seo a nyakago go se bala. Ge e ba ba mo dumelela, re ka mo nea dikgatišo tša rena mohlomongwe ra mmotša le ka wepesaete ya rena ya jw.org.

Ge re dira leeto la go boela go mofsa yo a thabelago, re swanetše go mo kgopela go bona batswadi ba gagwe. Se se tla re nea sebaka sa go hlalosa seo re se tletšego le go ba bontšha keletšo ya Beibele bakeng sa malapa yeo e ka botwago. (Ps 119:86, 138) Ge re bontšha gore re hlompha le go naganela batswadi ba ngwana yoo, se se tla nea bohlatse bjo bobotse e bile se ka re nea dibaka tše dingwe tša go boledišana le lapa leo ka ditaba tše dibotse.1Pe 2:12.