Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE SEPTEMBER 2016

 BOPHELO BJA BOKRISTE

Phema Dikotsi tše ge o Swere Thuto ya Beibele

Phema Dikotsi tše ge o Swere Thuto ya Beibele
BONA
Temana
Seswantšho

Go Bolela Kudu: O se ke wa nagana gore o swanetše go hlalosa selo se sengwe le se sengwe. Jesu o ile a diriša dipotšišo go thuša batho go nagana le go fihlelela phetho e nepagetšego. (Mat 17:24-27) Dipotšišo di dira gore morutwana le yena a bolele gomme seo se go thuša gore o tsebe seo a se kwešišago le seo a se dumelago. (be 253 ¶3-4) Ge o botšišitše potšišo, letela karabo gomme o se ke wa fela pelo. Ge morutwana a nea karabo e fošagetšego, go e na le gore o mmotše karabo e nepagetšego, mo thuše go hwetša karabo e nepagetšego ka go diriša dipotšišo tše dingwe. (be 238 ¶1-2) Bolela ka tsela yeo e tlago go thuša batheetši ba gago go kwešiša dintlha tšeo ba sa di tsebego.be 230 ¶4.

Go Thatafiša Taba: Phema go bolela dilo ka moka tšeo o di tsebago ka taba yeo le boledišanago ka yona. (Joh 16:12) Hlalosa dintlha tša bohlokwa tšeo di lego serapeng. (be 226 ¶4-5) Dintlha tše dintši tša ka thoko, gaešita le tše di kgahlišago, di ka dira gore motho a se kwešiše dintlha tša bohlokwa. (be 235 ¶3) Ge morutwana a kwešišitše ntlha ya bohlokwa, fetelang pele serapeng se se latelago.

Go fo Akaretša Taba: Morero wa rena ke go fihlelela pelo ya motho, e sego go fetša seo re se balago. (Lu 24:32) Diriša matla a Lentšu la Modimo ka go ahlaahla mangwalo a bohlokwa ao a lego thutong yeo. (2Ko 10:4; Heb 4:12; be 144 ¶1-3) Diriša dipapišo tše bonolo. (be 245 ¶2-4) Nagana ka mathata a morutwana le ditumelo tša gagwe, ke moka o lebiše thuto yeo go yena. Botšiša dipotšišo tša go swana le gore: “O ikwa bjang ka seo o ithutago sona mo?” “Se se re ruta’ng ka Jehofa?” “O bona go diriša keletšo ye go ka go hola bjang?”be 238 ¶3-5; 259 ¶1.