Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  October 2017

 BOPHELO BJA BOKRISTE

Tumiša Jehofa!

Tumiša Jehofa!

Bophelo ke mpho ya bohlokwa kudu. Tsela yeo re dirišago mpho ye letšatši le lengwe le le lengwe, e bontšha kamoo re e tšeelago godimo ka gona. Ka ge re le Dihlatse tša Jehofa, re nyaka go diriša ditalente tša rena le bokgoni bja rena go nea Jehofa letago le go mo godiša, ka ge e le yena Monei wa Bophelo. (Ps 36:9; Kut 4:11) Lega go le bjalo, go ka ba bonolo gore mathata ao a re welago lefaseng le leo le senyegilego, a dire gore re beele ka thoko mediro yeo e re thušago go matlafatša tswalano ya rena le Modimo. (Mar 4:18, 19) Yo mongwe le yo mongwe wa rena o swanetše go ipotšiša gore: ‘Na ke dira sohle seo nka se kgonago go hlankela Jehofa? (Hos 14:2) Mošomo wa ka o kgoma bjang tsela yeo ke hlankelago Jehofa ka yona? Ke ipeetše dipakane dife tirelong ya Jehofa? Nka dira’ng gore ke oketše tsela yeo ke hlankelago Jehofa ka yona?’ Ge e ba o bona go na le moo o ka kaonefatšago gona, rapela Jehofa gore a go thuše gomme o dire diphetogo mo go nyakegago. Ruri ga go na pelaelo gore go tumiša Jehofa letšatši le lengwe le le lengwe go dira gore motho a phele a kgotsofetše e bile a thabile!​—Ps 61:8.

O diriša ditalente tša gago go hlankela mang?

BOGELANG BIDIO YEO E REGO, DIRIŠA TALENTE YA GAGO TIRELONG YA JEHOFA, KE MOKA LE ARABENG DIPOTŠIŠO TŠE DI LATELAGO:

  • Ke ka baka la’ng e se go bontšha bohlale go diriša ditalente tša gago lefaseng la Sathane? (1Jo 2:17)

  • Bao ba neago Jehofa sohle seo ba ka se kgonago ba hwetša ditšhegofatšo dife?

  • O ka diriša ditalente tša gago le bokgoni bja gago bjang ka mokgatlong wa Jehofa?