Na o nyaka gore ge o lekwa o botege go swana le Daniele? Daniele o be a ithuta Lentšu la Modimo ka mo go tseneletšego, e bile o be a ithuta le diporofeto tše di tseneletšego. (Dan 9:2) Ge o ithuta Beibele ka mo go tseneletšego, o tla kgona go dula o botega. E ka go thuša bjang? E ka matlafatša tumelo ya gago tabeng ya gore dilo tšeo Jehofa a re tshepišitšego tšona di tlo direga. (Jos 23:14) E bile e ka dira gore o rate Modimo kudu gomme seo sa go thuša gore o botege. (Ps 97:10) O ka diriša mekgwa efe go ithuta? Ela hloko ditšhišinyo tše di latelago.

  • Nka ithuta eng? Lenaneo le lebotse la go ithuta le akaretša go lokišetša diboka. Mmalo wa Beibele wa beke le beke o ka go hola kutšwanyana ge o ka ipha nako ya go dira nyakišišo ka dintlha tšeo o sa di kwešišego. Batho ba bangwe ba kgethile go ithuta diporofeto tša Beibele, dika tše di enywago ke moya wa Modimo, maeto a Paulo a go etela diphuthego, goba tlholo ya Jehofa. Ge mosegare o ka tlelwa ke potšišo ya mabapi le Beibele, e ngwale gore o tle o ithute ka yona.

  • Nka hwetša ditaba kae? E le gore o hwetše thušo, bogela bidio yeo e rego, Didirišwa tša go go Thuša go Epa Mahumo ao a Lego ka Beibeleng. O ka dira nyakišišo ka gore dibata tšeo di lego go Daniele kgaolo 7 di emela mebušo efe ya lefase.

  • Ke swanetše go ithuta nako e kaaka’ng? E le gore o tie moyeng, o swanetše go ithuta ka mehla. O ka thoma ka go ithuta nako e nyenyane, ke moka ge nako e dutše e eya wa e oketša. Go ithuta Beibele go swana le go epa matlotlo a utilwego, ge o a hwetša, seo se dira gore o nyake a mangwe. (Die 2:3-6) O tlo thoma go kganyoga go bala Lentšu la Modimo kutšwanyana, ke moka o ka se tsoge o tlogetše go ithuta Beibele.—1Pe 2:2.

DIBATA TŠEO GO BOLELWAGO KA TŠONA GO DANIELE KGAOLO 7 DI EMELA ENG?

POTŠIŠO YA TLALELETŠO:

Daniele 7:8, 24 e ile ya phethagala bjang?

SEO KE TLO ITHUTAGO SONA NAKONG E TLAGO:

Dibata tšeo go bolelwago ka tšona go Kutollo kgaolo 13 di emela eng?