Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE OCTOBER 2016

 BOPHELO BJA BOKRISTE

Na o Diriša Dikarata tša JW.ORG?

Na o Diriša Dikarata tša JW.ORG?

Ka ge masetlapelo a magolo a batamela, modiro wa rena wa go bolela ditaba tše dibotse o swanetše go dirwa ka lebelo. (Die 24:11, 12, 20) E le gore re thuše batho, re ka diriša dikarata tša JW.ORG go ba lebiša Lentšung la Modimo le wepesaeteng ya rena. Karata ye e na le khouto yeo e lebišago motho bidiong ye e rego, Ke ka Baka la Eng o Swanetše go Ithuta Beibele? le go laletša motho go kgopela tsebišo e oketšegilego goba thuto ya Beibele. Batho ba bangwe ba ka no se rate go amogela dikgatišo tša rena eupša ba thabela go tsena wepesaeteng ya rena. O se ke wa dikadika go ba nea karata ye. Lega go le bjalo, o se ke wa nea batho bao ba sa thabelego dikarata tše.

Ge o dutše o dira mediro ya gago ya letšatši le letšatši, o ka dira gore motho yo a itšego a kgahlegele modiro wa rena ka go mmotša gore: “Ke na le seo nka ratago go go nea sona. Karata ye e go botša ka wepesaete yeo o ka tsenago go yona gore o hwetše molaetša wa Beibele mahala le dibidio tšeo di bolelago ka ditaba tše di fapafapanego.” (Joh 4:7) Ka ge dikarata tše e le tše dinyenyane, mohlomongwe o ka dula o swere tše mmalwa gore o di nee batho ge sebaka se tšwelela.