Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  November 2017

 BOPHELO BJA BOKRISTE

Seo re Ithutago Sona ka Pukung ya Jona

Seo re Ithutago Sona ka Pukung ya Jona

Jehofa o ile a dira gore dipego tša mabapi le banna le basadi bao ba nago le tumelo di ngwalwe ka Beibeleng e le gore a re rute dithuto tše bohlokwa. (Rom 15:4) O ithutile’ng ka pukung ya Jona? Bogelang bidio yeo e rego, Borapedi bja Lapa: Jona—Go Ithuta ka Kgaugelo ya Jehofa, ke moka le arabeng dipotšišo tše di latelago:

  • Ke mathata afe ao bagoeledi ba bararo mo bidiong ye ba ilego ba ba le ona?

  • Seo re ithutago sona ka pukung ya Jona se ka re kgothatša bjang ge e ba re neilwe tayo goba re tšeetšwe ditokelo tše itšego? (1Sa 16:7; Jon 3:1, 2)

  • Seo re ithutago sona ka pukung ya Jona se ka re thuša bjang gore re se nyamišwe ke tšhemo ya gabo rena? (Jon 4:11; Mat 5:7)

  • Seo se ilego sa diragalela Jona se ka re kgothatša bjang ge re swerwe ke bolwetši bjo bo sa folego? (Jon 2:1, 2, 7, 9)

  • O ithutile’ng bidiong ye ka bohlokwa bja go bala Beibele le go naganišiša?