Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  November 2017

 BOPHELO BJA BOKRISTE

Go Kaonefatša Bokgoni bja Rena Bodireding​—⁠Go Dira Leeto la go Boela

Go Kaonefatša Bokgoni bja Rena Bodireding​—⁠Go Dira Leeto la go Boela

LEBAKA LEO GO LEGO BOHLOKWA: Batho ba bantši bao ba theetšago ge re ba botša ka Mmušo wa Modimo, ba nyaka go tseba therešo ka Modimo. (Jes 55:6) Re swanetše go boela go bona gantši gore re ba rute therešo. Batho ga ba swane, ka gona le tsela yeo re tlago go ba ruta ka yona e ka se swane. Lega go le bjalo, ge e ba re lokišetša gabotse e bile re tseba seo re yago go boledišana le bona ka sona, gomme morero wa rena e le go thoma dithuto tša Beibele, re tla atlega.

RE KA DIRA SEO BJANG?

  • Leka go boela go bona ka pelapela, mohlomongwe ka morago ga matšatši a sego kae.—Mat 13:19

  • Bontšha lethabo le tlhompho. O se ke wa tšhoga

  • Thoma ka go dumediša. Diriša leina la motho yoo. Mo gopotše gore o tlile go dira eng. Mohlomongwe o ka mmotša gore o tlo araba potšišo, o mo tlišeditše makasine, o tlo mmontšha kamoo a ka dirišago wepesaete ya rena, o tlo mmontšha bidio goba o tlo mmontšha gore thuto ya Beibele e swarwa bjang. Ge e ba mong wa ntlo a nyaka go tseba ka taba e itšego, o ka fetoša seo le bego le tlo bolela ka sona gomme le bolele ka taba yeo.—Fil 2:4

  • Nošetša peu ya therešo yeo e lego pelong ya gagwe ka go mmalela lengwalo, goba o mo tlogelele kgatišo. (1Ko 3:6) Leka go gwerana le yena

  • Bolela seo le tlago go ithuta sona ge o boa