Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE NOVEMBER 2016

 BOPHELO BJA BOKRISTE

Kamoo re ka Dirišago Puku ya Beibele e re Ruta Eng?

Kamoo re ka Dirišago Puku ya Beibele e re Ruta Eng?

Puku ya Beibele e a re Ruta le ya Seo Beibele e se Rutago di a swana. Didirišwa tše tše pedi tšeo re di dirišago go ruta batho di ahlaahla dihlogo tša go swana, le gona di beilwe ka tsela e swanago. Lega go le bjalo, puku ya Beibele e a re Ruta e hlalosa taba ka tsela e bonolo le go diriša mantšu a nolofaditšwego. E diretšwe bao ba ka bago ba thatafalelwa ke go kwešiša puku ya Seo Beibele e se Rutago. Go ena le gore puku ya Beibele e a re Ruta e diriše lemetletšo, e diriša ditlhaloso tšeo di hlalosago gabonolo mantšu a mangwe le dipolelwana tšeo di hwetšwago kgaolong. Dikgaolo ga di na dipotšišo tša matseno goba lepokisi la go hlahloba. Go ena le moo, di phetha ka go akaretša ditherešo tša Beibele tšeo di hlalositšwego kgaolong. Re ka sepediša puku ya Beibele e a re Ruta le ge e sa sepedišwe kgweding yeo, go etša ge re dira bjalo ka puku ya Seo Beibele e se Rutago. Re ka diriša bjang dikarolo tša moswananoši tša puku ye ya Beibele e a re Ruta ge re swere thuto ya Beibele?

KAKARETŠO: Go batho ba bantši, tsela ya rena e tlwaelegilego ya go swara thuto ya Beibele ka go bala serapa ka pukung ya Seo Beibele e se Rutago ke moka ra botšiša potšišo e tla ba šomela. Lega go le bjalo, a re re morutwana ga a tsebe gabotse leleme leo le le dirišago go swara thuto goba ga a kgone go bala gabotse. Boemong bjo, o ka kgetha go diriša puku Beibele e a re Ruta. Ke moka, o ka diriša dikakaretšo tša dikgaolo e le thuto gomme wa kgothaletša morutwana go bala kgaolo ka boyena. Therešo e nngwe le e nngwe ya Beibele gantši e ka rutwa thutong ya Beibele yeo e tšeago metsotso e ka bago e 15. Ka ge dikakaretšo di sa hlalose ka botlalo taba yeo e lego kgaolong, morutiši o swanetše go lokišetša gabotse, a naganne ka dinyakwa tša morutwana. Ge e ba morutiši a swara thuto a diriša kgaolo, dikakaretšo di ka dirišwa bakeng sa go ikgopotša.

DITLHALOSO: Mantšu le dipolelwana tšeo di hwetšwago go ditlhaloso di latelana ka tsela yeo di tšwelelago kgaolong. Morutiši a ka kgetha ge e ba a ka ahlaahla ditlhaloso tšeo di lego ka pukung ya Seo Beibele e se Rutago nakong ya thuto.