Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  March 2017

 BOPHELO BJA BOKRISTE

Re ka Diriša Bjang Poroutšha ya Ke Bomang Bao ba Dirago Thato ya Jehofa Lehono?

Re ka Diriša Bjang Poroutšha ya Ke Bomang Bao ba Dirago Thato ya Jehofa Lehono?

Poroutšha ya Ke Bomang Bao ba Dirago Thato ya Jehofa Lehono? e diretšwe gore re e bale le barutwana ba rena ba Beibele mathomong goba mafelelong a thuto e nngwe le e nngwe. * Dithuto 1 go ya go 4 di thuša barutwana gore ba re tsebe gabotse, dithuto 5 go ya go 14 di ba ruta ka mediro ya rena ya mmušo gomme dithuto 15 go ya go 28 di ba bontšha kamoo mokgatlo wa rena o šomago ka gona. Gantši go a thuša gore re bale dikgaolo le morutwana ka tsela yeo di latelanago ka yona, eupša re ka taboga ra bala kgaolo e itšego ge e ba re bona gore morutwana o hloka thušo go yona. Thuto e nngwe le e nngwe ke letlakala letee feela, gomme re ka e ahlaahla le morutwana ka metsotso e mehlano go ya go e lesome.

  • Bontšha morutwana potšišo ya thuto yeo le e ahlaahlago

  • Balang thuto yeo ka dikarolo goba ka moka ga yona

  • Boledišanang ka seo le fetšago go se bala. Botšiša dipotšišo tšeo di lego kua fase gomme le boledišane ka diswantšho tša thuto yeo le e ahlaahlago. Balang mangwalo ao o bonago go nyakega gore le a bale ke moka le boledišane ka ona. Bontšha morutwana gore mantšu a maso ke ona a arabago potšišo ya sehlogo

  • Ge e ba thuto yeo le e balago e na le lepokisi leo le rego “Hwetša Tsebišo e Oketšegilego” le baleng, ke moka o kgothaletše morutwana gore a leke go latela tšhišinyo yeo e lego moo

^ par. 3 Poroutšha e kaonefaditšwego e hwetšagala Inthaneteng.