Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE MARCH 2016

 DIRA SOHLE BODIREDING

Go Kaonefatša Bokgoni bja Rena Bodireding—Itirele Thero ya go Sepediša Makasine

Go Kaonefatša Bokgoni bja Rena Bodireding—Itirele Thero ya go Sepediša Makasine
BONA
Seswantšho
Temana

LEBAKA LEO GO LEGO BOHLOKWA: Gaešita le ge dithero tša mohlala tšeo di tšwelelago pukwaneng ye di re nea ditšhišinyo tšeo di holago, dithero tše e fo ba mehlala. Diriša mantšu a gago. O ka diriša thero e fapanego goba wa kgetha sehlogo se sengwe seo se tlago go kgahla batho ba tšhemong ya gabo lena. Ge e ba go le bjalo, ka morago ga ge o badile makasine, o hlahlobile dithero tša mohlala le go bogela bidio ya dipontšho, gona o ka diriša ditšhišinyo tše di latelago e le gore o itirele thero.

KAMOO O KA DIRAGO SE:

Ipotšiše gore: ‘Na ke nyaka go diriša e nngwe ya dithero tša mohlala?’

EE

  • Lokišetša matseno a gago. Ka morago ga go dumediša, ka boripana bolela lebaka la ketelo ya gago. (Ka mohlala, o ka re: “Ke tlile mo ka baka la . . . ”)

  • Nagana kamoo o tlago go rola potšišo, lengwalo le kgatišo yeo o e sepedišago. (Ka mohlala: Ge o rola lengwalo, o ka re: “Karabo e kgotsofatšago ya potšišo yeo o ka e hwetša lengwalong le.”)

AOWA

  • Kgetha sehlogo seo se go kgahlago le seo o naganago gore se tla kgahla batho ba tšhemong ya gabo lena

  • Kgetha potšišo yeo e tla dirago gore mong wa ntlo a nagane le yeo e tla dirago gore le boledišane, eupša e se ke ya ba yeo e mo lešago dihlong. (Ka mohlala: O ka diriša dipotšišo tšeo di tšwelelago go letlakala 2 la dimakasine tša rena.)

  • Kgetha lengwalo le o tlago go le bala. (Ge e ba o sepediša Phafoga! go tšwa go wena ge e ba o nyaka go bala lengwalo, ka ge makasine wo o ngwaletšwe bao ba nago le tsebo e nyenyane ka Beibele e bile ba ka ba ba sa bote bodumedi.)

  • Nagana lefoko goba a mabedi ao a tla thušago mong wa ntlo go bona kamoo a ka holwago ke go bala sehlogo seo

BOEMONG LEGE ELE BOFE

  • Lokišetša potšišo yeo o tlago go e araba leetong la go boela

  • Ngwala dintlha tšeo di tlago go go thuša go gopola seo o nyakago go tlo se bolela nakong e tlago