Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  March 2016

 BOPHELO BJA BOKRISTE

Topollo —e Dirile Gore Tsogo ya Bahu e Kgonege

Topollo —e Dirile Gore Tsogo ya Bahu e Kgonege

Segopotšo se re nea sebaka se sebotse sa go naganišiša ka ditšhegofatšo tša nakong e tlago tšeo topollo e dirilego gore di kgonege, tše bjalo ka tsogo ya bahu. E be e se morero wa Jehofa gore batho ba hwe. Ke ka baka leo re kwago bohloko kudu ge motho yo re mo ratago a hwile. (1Ko 15:26) Jesu o ile a kwa bohloko ge a bona barutiwa ba gagwe ba llela Latsaro yo a bego a hwile. (Joh 11:33-35) Ka ge Jesu a ekiša Tatagwe ka mo go phethagetšego, re ka kgodišega gore Jehofa le yena o kwa bohloko ge a bona re llela baratiwa ba rena bao ba hwilego. (Joh 14:7) Jehofa o fela pelo ya gore nako ya go tsoša bahlanka ba gagwe bahung e fihle, ka mo go swanago le rena re swanetše go ikwa bjalo.Job 14:14, 15.

Ka ge Jehofa e le Modimo wa thulaganyo, gona ke mo go kwagalago go dumela gore tsogo e tla direga ka thulaganyo. (1Ko 14:33, 40) Go e na le gore go be le dipoloko, go ka direga gore go be le dinako tša go amogela bao ba tsošitšwego bahung. Na o naganišiša ka tsogo ya bahu, kudukudu ge o hwetšwe? (2Ko 4:17, 18) Na o leboga Jehofa ka go re nea topollo le go re utollela ka Mangwalo gore bahu ba tlo phela gape?Kol 3:15.

  • Ke bagwera bafe ba gago le ba leloko bao o lebeletšego pele go ba bona gape?

  • Ke batho bafe bao ba phetšego mehleng ya ge Beibele e ngwalwa bao o nyakago go kopana le go boledišana le bona?