Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  March 2016

 MAHUMO AO A LEGO KA LENTŠUNG LA MODIMO | JOBO 1-5

Jobo o Ile a Dula a Botega ge a le ka Tlase ga Teko

Jobo o Ile a Dula a Botega ge a le ka Tlase ga Teko

Jobo o be a dula Utsi nakong ya ge Baisiraele ba le bokgobeng kua Egipita. Gaešita le ge Jobo e be e se Moisiraele, e be e le morapedi yo a botegago wa Jehofa. O be a na le lapa le legolo, a humile kudu e bile a na le tutuetšo setšhabeng sa gabo. E be e le moeletši yo phagamego le moahlodi wa go se bebe sefahlego. O be a thuša badiidi le bahloki. Jobo e be e le monna wa go botega.

Jobo o bontšhitše gabotse gore Jehofa e be e le yo bohlokwa kudu bophelong bja gagwe

1:8-11, 22; 2:2-5

  • Sathane o ile a lemoga potego ya Jobo. O be a tseba gore Jobo o be a ekwa Jehofa; go e na le moo, o ile a belaela maikemišetšo a Jobo

  • Sathane o boletše gore Jobo o be a hlankela Jehofa ka gobane a mo šegofatša

  • E le gore a arabe tatofatšo yeo ya Sathane, Jehofa o ile a dumelela Sathane go tlaiša monna yoo wa go botega. Sathane o ile a tlaiša Jobo dikarolong ka moka tša bophelo bja gagwe

  • Ge Jobo a tšwela pele a botega, Sathane o ile a belaela potego ya batho ka moka

  • Jobo ga se a dira sebe goba go latofatša Modimo ka go bolela gore Modimo o fošitše